ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак
Питрәч районында юл кырыена төшеп киткән “Дэу” машинасының йөртүчесе үлгән

Мәдәният

Татарстан язучыларының әдәби ел йомгакларына багышланган җыелышы башланып китте

16 декабрь 2017, 11:22 , Фото: Салават Камалетдинов

Татарстан язучыларының әдәби ел йомгакларына багышланган җыелышы башланып китте Язучыларның гомуми җыелышы "Казан" милли-мәдәни үзәгендә бара.

(Казан, 16 декабрь, "Татар-информ, Рузилә Мөхәммәтова). Татарстан Язучылар берлегенең Әдәби ел йомгакларына багышланган гомуми җыелышы Берлек рәисе Данил Салихов чыгышы белән башланып китте. Ул быелгы әдәби ел уңышларын санап үтте.

Язучыларның гомуми җыелышы "Казан" милли-мәдәни үзәгендә бара. Җыелышны Татарстанның халык шагыйре Равил Фәйзуллин алып бара.

Җыелышның түрендә Берлекнең Президиум әгъзалары, шул исәптән, Татарстан Республикасы Мәдәният министры урынбасары Эльвира Камалова, Татарстан Республикасы Дәүләт Советы депутаты, Татрстанның халык шагыйре Разил Вәлиев, Татарстан Республикасы Президентының эчке сәясәт мәсьәләләре департаментының Милли сәясәтне гамәлгә ашыру идарәсе башлыгы Данил Мостафин, күренекле язучылар Рабит Батулла, Роберт Миңнуллин, Рәдиф Гаташ, Әхәт Мушинский һәм башкалар утыра.

Татарстан язучылары 2017 елда вафат булган каләмдәшләрен - Татарстанның халык шагыйре һәм Тукай премиясе лауреаты Лена Шагыйрьҗанны, Тукай премиясе лауреаты Марсель Зариповны, Аркадий Мельниковны, Николай Беляевны, вафатыннан соң Марсель Сәлимҗанов премиясе бирелгән Ризван Хәмидне бер минут тынлык белән искә алды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10