ҺАВА ТОРЫШЫ +31 oC

Яңалыклар

барлык хәбәрләр Татарстан Россия
МӨҺим
Сургут Сабан туенда Әлмәт спортчысы Рөстәм Йосыпов батыр калган
Д.Фәттахов Казан шәһәре файдасына башкарган мактауга лаеклы хезмәте өчен бүләкләнде
Төркиядә 24 июньдә узган сайлауда демократия җиңде - Рәҗәп Тайип Эрдоган
Филармония бакчасында дүртенче хәйрия концерты оештырылды
Минзәлә театры “Сүнгән йолдызлар” спектаклен куярга әзерләнә

Мәдәният

«Сәйяр» балалар театр фестиваленең җиңүчеләре игълан ителде

15 декабрь 2017, 16:31 , Фото: Рамиль Гали

«Сәйяр» балалар театр фестиваленең җиңүчеләре игълан ителде Быел фестивальнең Гран-приена Саба районының 3 нче балалар бакчасы театр коллективы һәм Казанның Идел буе районындагы 6 нчы гимназия лаек булды.

(Казан, 15 декабрь, «Татар-информ», Рузилә Мөхәммәтова). Бүген «Сәйяр» балалар һәм яшүсмерләр республика театр фестивале театральләштерелгән прологтан соң Гран-прины игълан итүдән башланып китте. Быел фестивальнең Гран-приена Саба районының 3 нче балалар бакчасы театр коллективы һәм Казанның Идел буе районындагы 6 нчы гимназиясе лаек булды.

Театр кукол Экият, награждение победителей фестиваля "Сәйяр"

«Сәйяр» балалар һәм яшүсмерләр республика театр фестивалең йомгаклау тантанасы «Әкият» Татар дәүләт курчак театрының Зур сәхнәсендә бара. Гран-при ияләренә дипломнарны һәм сертификатларны Татарстан фән һәм мәгариф министры вазифаларын башкаручы Рафис Борһанов үзе тапшырды. “Икенче генә сезон барса да, бу фестивальнең киләчәге зур”, – диде ул һәм катнашучыларны алдагы бәйрәмнәр белән котлады.

Тантананың прологын Камал театрлары артистлары әзерләгән иде. Сәхнәдә аларны Казанның Идел буе районындагы 6 нчы гимназия балалары алыштырды. Балалар Галиәсгар Камалның «Беренче театр»ын сәхнәләштергәннәр. «Манзара» театр студиясен татар теле укытучылары Гөлшат Гарипова һәм Лилия Низамиева әзерләгән. Студиянең консультанты – Тинчурин театры артисты Зөлфия Вәлиева.

Театр кукол Экият, награждение победителей фестиваля "Сәйяр"

Фестивальнең оештыручылары – Татарстан фән һәм мәгариф министрлыгы, “Салават күпере” һәм “Сәхнә” журналлары.

Гран-при алган театр коллективлары бу журналларның юбилей концертында да уңышлы чыгыш ясаган иде.

Театр кукол Экият, награждение победителей фестиваля "Сәйяр"

Оештыручылар хәбәр итүенчә, фестивальнең оештыру комитетына 500дән артык гариза кергән. Беренче тур видеоязмалар буенча читтән торып үткәрелгән. II зона этабында балалар театр коллективлары Чаллы, Чистай, Әлмәт, Арча һәм Казанда чыгыш ясаган.

Җиңүчеләргә электроника кибетеннән сертификатлар тапшырылды.

Театр кукол Экият, награждение победителей фестиваля "Сәйяр"


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10