ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Җәмгыять

Казанга Алматыдан беренче пассажир поезды килде

15 декабрь 2017, 09:27 , Фото: Александр Эшкинин

Казанга Алматыдан беренче пассажир поезды килде Әлеге поезд Алматы – Казан – Алматы маршруты буенча атнасына бер тапкыр ел әйләнәсе йөриячәк.

(Казан, 15 декабрь, «Татар-информ», Надежда Гордеева). Бүген 5.40 сәгатьтә «Казан-1» тимер юл вокзалына Казахстанның Алматы шәһәреннән беренче халыкара пассажир поезды килде, дип хәбәр итте «Татар-информ» агентлыгына Казахстанның мактаулы тимер юлчысы Нурислам Сөләйманов.

Поезд Казахстаннан 12 декабрьдә кузгалган. Ул Караганда, Астана, Көкшетау, Петропавловск, Чиләбе, Курган һәм Екатеринбург шәһәрләре аша Казанга 62 сәгать эчендә килеп җиткән.

Әлеге поезд Алматы – Казан – Алматы маршруты буенча атнасына бер тапкыр ел әйләнәсе йөриячәк. Ул Казахстаннан сишәмбе көннәрендә кузгалып китеп, җомга көнне Татарстанга килеп җитәчәк. Казаннан исә җомга көнне кузгалып, дүшәмбедә Алматыда булачак.

«Поезд Казахстан Татар һәм башкорт конгрессы үтенече белән формалаштырылды. Алар моннан ярты ел элек Казанга туры маршрут ачуны сорап мөрәҗәгать итте, моңарчы пассажирларга берничә тапкыр күчеп утырырга туры килә иде. Һәм Казахстан Республикасы Бәйсезлеге көне алдыннан беренче поездны җибәрделәр», - диде Нурислам Сөләйманов.

Халыкара маршрут совет елларында популяр булса да, СССР таркалу белән ул бетерелә.

«Әлеге маршрутны ачу турындагы мәсьәләне ярты ел буе бергәләп хәл иттек. Киләчәктә ул тагын да камилләшер, пассажирлар саны да артыр дип өметләнәм», - диде ТР транспорт һәм юл хуҗалыгы министры урынбасары Айрат Усманов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10