ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Татарстанда җиңел машина поездга бәрелеп, дүрт кеше һәлак
Бүген Казанның өч районында ут булмаячак
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды

Җәмгыять

Азнакайда сервис үзәге ачылды

14 декабрь 2017, 23:00

Азнакайда сервис үзәге ачылды Аны ачу тантанасында район башлыгы Марсель Шәйдуллин, район халкына уңайлы, яңа шартлар тудырган «РариТЭК» компаниясе җитәкчеләренә рәхмәт белдерде.

(Азнакай, 14 декабрь, “Татар-информ”, “Маяк”, Лиза Нурлыева). Яңа елга азнакайлыларга бүләк ясап, кичә шәһәрнең “Фривей” сәнәгать мәйданчыгында «РариТЭК» компаниясе “Техцентр” сервис үзәге ачты, дип яза районның “Маяк” газетасы.

Аны ачу тантанасында район башлыгы Марсель Шәйдуллин да катнашып, район халкына уңайлы, яңа шартлар тудырган «РариТЭК» компаниясе җитәкчеләренә рәхмәт сүзләрен ирештерде.

–Газ баллоннары белән җиһазлау буенча производство филиалының республикада беренчесен нәкъ менә Азнакай җирлегендә ачуыгыз безнең өчен куанычлы вакыйга, – диде ул. – Бу төр ягулыкның отышлы яклары бәһассез: экологик яктан да, башкаларыннан арзан булуы белән дә. Шәһәребездә газ заправкасы ачылган иде инде, хәзер машиналарны газга көйләү хезмәтенең дә үзебездә булуы халыкны никадәр мәшәкатьтән, чыгымнан азат итәчәк.

Компаниянең финанс директоры Хәния Сафиуллина бу отышлы якларны саннар белән дә нигезләде. Әйтик, кара исәп белән генә дә башкалага җиңел машина белән барганда бензинга 1000 сум чамасы китсә, газга көйләнгәне исә акчаны 600 сум тирәсе генә “ашый”.

Сәнәгать мәйданчыгында урын биреп, “Фривей” җаваплылыгы чикләнгән җәмгыять директоры Рамил Шәйхлисламов янә 4 азнакайлыны эшле иткән.

Сүз уңаеннан, Россия Федерациясе хөкүмәтенең “Табигый газны мотор ягулыгы буларак файдалануны киңәйтү турында” карары кабул ителгәннән соң, илдә төрле дәрәҗәдә газ-моторлы техника базары үсешен тизләтүгә өстенлек бирелде, диелә район хәбәрендә

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10