ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
Лениногорскида 200нче пар никахларын теркәде
Чүпрәленең Хорновар-Шигали авылыннан Сергей Райков мини-трактор ясаган
Аксубай приютында тәрбияләнүчеләр хезмәт урыннары белән таныша
Зәйнең мәгариф ветераны Нина Миннехуҗина 95 яшьлек юбилеен билгеләп үтте
Алабугадагы балалар мәйданчыкларының куркынычсызлыгын тикшерәчәкләр

Хәвеф-хәтәр

Мьянмада бер ай эчендә 6700 мөселманны юк иткәннәр

14 декабрь 2017, 18:38 , Фото: http://aa.com.tr

Мьянмада бер ай эчендә 6700 мөселманны юк иткәннәр Биш яшькә кадәрге 730лап бала җәбер-золым корбаны булган.

(Казан, 14 декабрь, "Татар-информ"). Аракан штатында Мьянма армиясе операцияләре башлангач, бер ай эчендә 6700 мөселман һәлак булган. Бу хакта “Анадолу” агентлыгы хәбәр итә.

Биш яшькә кадәрге 730лап бала җәбер-золымга эләккән. Мьянмнан Бангладешка 647 мең кеше качып киткән. Төбәктә гуманитар хәл нык кискенләшкән.

Искәртеп үтик: Мьянманың (Бирма) Ракхайн (Аракан) штатында рохинджа халкы яши, алар 800 меңнән алып 1,1 миллионга кадәр, дип исәпләнә. Мьянма җитәкчелеге рохинджаларны Бангладештан күченеп килгән халык дип саный һәм аларның хокукларын чикли. БМО рохинджаларны дөньядагы иң кыерсытылган халыкларның берсе дип саный. Рохинджа халкын кыерсытулар кан коюга кадәр китереп җиткерә. Соңгы бәрелеш 2016 елның октябрендә килеп чыкты, Ракхайн штатына армия кертелде. 20 меңнән артык мөселман Бангладешка качты.

25 августта хәрбиләр белән бәрелештә 400 кеше һәлак булды, 90 меңнән артык рохинджа кешесе Бангладешка качты.  Мәскәүдә Мьянма мөселманнарын яклап митинг узды. Ул вакытта Чечня башлыгы Рамзан Кадыров һәм Татарстан мөфтие Камил хәзрәт Сәмигуллин рохинджа мөселманнарына ярдәм итү турында белдерү белән чыкканнар иде.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10