ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Җәмгыять

Путин төбәкләрне кушуның Россия бердәмлеге өчен зыянлы һәм куркыныч булуын белдерде

14 декабрь 2017, 13:23

«Үзем Президент чагында, моңа юл куймаячакмын», - дип искәртте Путин.

(Казан, 14 декабрь, «Татар-информ», Егор Никитин). Россия төбәкләрен анда яшәүче халыкларның ризалыгыннан башка эреләндерү һәм кушу ил бөтенлеге өчен зыянлы һәм куркыныч. РФ Президенты Владимир Путин еллык матбугат конференциясендә шулай дип белдерде.

1990 ел башындагы вакыйгалардан соң, Советлар Союзы таркалгач, федерация субъектлары иске принцип буенча формалаштырылды, дип белдерде Президент.

«Әгәр икътисади максатны күздә тотсак, әлбәттә, кайчагында моның мәгънәсе дә бар. Әмма шуны искәртәсем килә: Татарстан һ.б. милли республикалар һәм автономияләрдә мине ишеттеләр – без бу өлкәдә бернәрсәне дә көчләп такмаячакбыз. Мин моны Россиянең бердәмлеге өчен бик зыянлы һәм куркыныч дип саныйм», - диде Владимир Путин.

«Үзем Президент чагында, моңа юл куймаячакмын», - дип искәртте Путин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10