ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Россиядә пенсия түләргә акча җитәчәк, дип белдерде Путин

14 декабрь 2017, 14:28

«Ил пенсия түләрлек хәлдә булачак, түләүләрнең тукталуына бәйле катастрофик хәл килеп тумаячак», - дип ачыклык кертте ул.

(Казан, 14 декабрь, «Татар-информ»). Пенсионерлар саны артканнан-арта баруга да карамастан, Россия пенсия түли алачак, дип белдерде Владимир Путин еллык матбугат конференциясендә.

«Пенсия яшен арттыру тарафдарлары фикеренчә, әгәр моны эшләмәсәк, гомер озынлыгы артуын исәпкә алып, эшләүчеләр саны кимиячәк, ә пенсиягә чыгучылар саны артачак һәм бу безгә пенсия системасын билгеле бер баланста тотарга мөмкинлек бирмәячәк», - диде Путин.

Президент ачыклык керткәнчә, «бу - дәүләтнең пенсия түли алмаслык хәлгә килеп җиткәнлеген аңлатмый».

«Ил пенсия түләрлек хәлдә булачак, түләүләрнең тукталуына бәйле катастрофик хәл килеп тумаячак», - дип ачыклык кертте ул.

Ил башлыгы пенсия яшен арттыру тарафдарларының шушы алымга таянуын искәртте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10