ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак
Питрәч районында юл кырыена төшеп киткән “Дэу” машинасының йөртүчесе үлгән

Мәдәният

Милли музей антик чордагы уенчыклар белән таныштыра

14 декабрь 2017, 12:10 , Фото: Татарстан Милли музей

Милли музей антик чордагы уенчыклар белән таныштыра Яңа ел бәйрәме уңаеннан ачылачак күргәзмәдә борынгы гасыр балалары уйнаган уенчыкларны күрергә мөмкин.

(Казан, 14 декабрь, “Татар-информ”, Мөршидә Кыямова). 15 декабрь көнне 12:00 сәгатьтә Татарстан Милли музеенда “Уенчыкларның тылсымлы дөньясы” дигән күргәзмә ачыла. Бу хакта “Татар-информ” мәгълүмат агентылыгы хәбәрчесенә Милли музейның матбугат үзәге җитәкчесе Руфия Мөхетдинова хәбәр итте.

“Яңа ел бәйрәме һәм мәктәп укучыларының кышкы каникуллары алдыннан Милли музейда “Уенчыкларның тылсымлы дөньясы” дигән күргәзмә эшли башлый, - ди Руфия Мөхетдинова. – Яңа елга багышланган проектны без музейда ел саен оештырабыз. Быел исә, исемен “Уенчыкларның тылсымлы дөньясы”, дип атадык. Яңа ел балаларның да, өлкәннәрнең дә яраткан бәйрәме. Карлы кыш белән бәйләнгән чара, бәйрәм табыны һәм бүләкләре белән аеруча кадерле. Яңа ел бүләген бирү, кабул итү йоласы бик борынгыдан килә. Ә балалар өчен иң яхшы бүләк тәм-том һәм уенчыклар”.

Күргәзмәдә сирәк экспонатлар - узган гасырның уенчыкларын күрергә мөмкин булачак. Безнең эрага кадәр II гасырның антик курчагы, Урта гасыр сыбызгылары һ.б. һәр кемнең күңелен яулый алырлык, ди проект авторлары.

Уенчыклар – төрле катламның мәдәниятын характерлый. Нәкъ шушы тема халык уенчыклары аша тасвирлана.

Күргәзмәнең иң төп герое – 2018 елның хуҗасы Сары Эт. Ул төрле материаллардан ясалган. Шулай ук күргәзмәдә бәйрәм чыршысы уенчыкларына да зур игътибар бирелә. Көнбатыш Европада һәм революциягә кадәр Россиядә һәм Совет чорында чыршыларны ничек бизәлгәне хакында да мәгълүмат биреләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10