ҺАВА ТОРЫШЫ -1 oC

Яңалыклар

барлык хәбәрләр Татарстан Россия
×

Спорт

УНИКС баскетболчылары сезонда икенче мәртәбә "Дарушшафака" командасына оттырды

13 декабрь 2017, 21:23 , Фото: Ильнар Тухбатов

УНИКС баскетболчылары сезонда икенче мәртәбә Казан командасы турнирда өченче тапкыр җиңелә.

(Казан, 13 декабрь, “Татар-информ”, Фәрит Салихов). Казанның УНИКС баскетбол командасы үз мәйданында Европа кубогы төркем этабының 8 нче тур уенында Төркиянең “Дарушшафака” клубына оттырды.

“А” төркемендәге командаларның “Баскет-холл”да узган очрашуы 79:75 (16:26, 16:12, 24:19, 23:18) исәбенә кунакларның җиңүе белән төгәлләнде. Җиңүче команда составында 19 очко җыйган Скотти Уибекин иң нәтиҗәле уенчы булып танылса, УНИКСтан Стефан Ласме командага 18 очко китерде.

УНИКС әлеге көндәшенә беренче әйләнеш очрашуында да оттырган иде – октябрьдә Төркиядә узган матчта хуҗалар 9 очко аерма белән өстенлеккә иреште. Казан командасы Европа кубогында 8 уен уздырды һәм шуның өчесендә җиңелде.

Турнирда чираттагы уенын УНИКС 20 декабрьдә үзендә Хорватиянең “Цедевит” командасына каршы уздыра.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10