ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак
Питрәч районында юл кырыена төшеп киткән “Дэу” машинасының йөртүчесе үлгән

Мәдәният

Киләсе елдан «Идел-йорт» фестивале Шамил Закиров исемен йөртә башлаячак

13 декабрь 2017, 10:04 , Фото: Салават Камалетдинов

Киләсе елдан «Идел-йорт» фестивале Шамил Закиров исемен йөртә башлаячак Кичә Камал театрының Зур залында "Идел-йорт" фестиваленең йомгаклау тантанасы үтте.

(Казан, 13 декабрь, «Татар-информ», Рузилә Мөхәммәтова). Киләсе елдан башлап «Идел-йорт» фестивале Шамил Закиров исемен йөртә башлаячак. Бу хакта кичә «Идел-йорт» төбәкара театр фестиваль-конкурсының җиңүчеләре игълан ителү тантанасында Республика традицион мәдәниятне үстерү үзәге директоры Фәнзилә Җәүһәрова хәбәр итте. “Туфан Миңнуллин белән бергәләп фестивальнең башлангычында, аның аяк баскан чагында бик нык ярдәм иткән шәхес - Шамил Закиров исеме бу фестивальгә бирелә. Моның белән “Идел-йорт”ның тагын да офыклары киңәер дигән өметтә калабыз”, - диде ул.

Спектакль "Ак калфак"

Кичә Камал театрының Зур залында "Идел-йорт" фестиваленең йомгаклау тантанасы үтте. Ел дәвамында барган фестивальнең нәтиҗәләре игълан ителеп, җиңүчеләрне котладылар. Бүләкләү тантанасын һәм Гран-при алган театр коллективы чыгышын "Татар-информ" онлайн күрсәтте.

«Идел-йорт» фестивале лауреатларын һәм дипломантларын жюри рәисе, театр тәнкыйтьчесе Нияз Игъламов театрларның төрле шартларда эшләвен аңлап якын килүләрен билгеләп үтте: “Без гадел булырга тырыштык”, - диде ул. “Бүген Камал театрының олпат артисты да кичә халык театрында уйнаган егет йә кыз иде”, - дип зур өметләр уятты ул артистларда. Бөтендөнья татар конгрессы рәисе Ринат Закиров татар халкының театр яратуына, читтәге милләттәшләребезнең театр килүен көтеп яшәүләрен әйтте.

Лауреатларны һәм дипломантларны Республика традицион мәдәниятне үстерү үзәге директоры Фәнзилә Җәүһәрова, жюри рәисе, театр тәнкыйтьчесе Нияз Игъламов һәм Бөтендөнья татар конгрессы рәисе Ринат Закиров котлады һәм бүләкләр тапшырды.

Ә Гран-прины Татарстан мәдәният министры урынбасары Гүзәл Шәрипова тапшырды. “Сез үз иҗатыгыз аша милләтебезне саклыйсыз, аны берләштерәсез, татар халкының рухын күтәрәсез. Иҗатыгыз һәм битараф булмавыгыз өчен сезгз зур рәхмәт”, - диде ул үзешчән артистларга мөрәҗәгать итеп.

Гүзәл Шәрипова Гран-при бүләгенә Актаныш районының Киров авылы мәдәният йортының халык театры режиссеры Ләйсән Шәрәфетдиновага тапшырды.

“Без Казанның зур сәхнәләрен күп тапкырлар яулаган район, - диде Актаныш районы башлыгы урынбасары Илфак Бариев. – Районыбызда 47 театр коллективы бар, шуның җидесе халык театры исемен йөртә. Ә барлыгы районда 15 коллектив шушы исемне йөртә. Районда 70 мәдәният йортының ишекләре ачык, тузган хәлдәге мәдәният йортлары юк”.

Халык театрлары бәйрәме Актаныш районының Киров авылы мәдәният йортының халык театры коллективының Мирхәйдәр пьесасы буенча куелган “Ак калфак” спектакле белән дәвам итте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10