ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Польшадагы татар авылындагы Сабан туена бөтен дөнья татарларын җыялар
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак

Татар дөньясы

Балаларны татарчага өйрәтә торган "Tatar baby" сайты һәм паблигы яңартылачак

11 декабрь 2017, 20:04

Балаларны татарчага өйрәтә торган "Tatar baby" әти-әниләргә ярдәмлек буларак, үзендә татар телендә төрле уеннар, шигырьләр, тизәйткечләр, мультфильмнар, күнегүләр һәм киңәшләр туплый.

(Казан, 11 декабрь, “Татар-информ”, Алмаз Шиһабетдинов). Балаларны татар теленә өйрәтә торган “Tatar baby” сайты яңартылачак. Бу хакта “Татар-информ” хәбәрчесенә сайтның һәм пабликның администраторы Динара Зиннәтова хәбәр итте.

“Tatar baby” – балаларны татар теленә өйрәтүче сайт. Ул үзендә татар телендә төрле уеннар, шигырьләр, тизәйткечләр, мультфильмнар, күнегүләр һәм киңәшләр туплый. “Tatar baby” сайты һәм паблигы тукталып торган иде. Динара Зиннәтова сүзләренчә, сайт һәм паблик тиздән яңартылачак.

"Сайт 2016 елда үзешчәннәр ярдәмендә эшләнде. Максаты – балаларын татар теле, мәдәнияте, әдәби һәм мәдәни мирасы белән таныштырып тәрбияләргә теләүче әти-әниләргә ярдәм күрсәтү. Сайтта татарча әкиятләр, табышмаклар, тизәйткечләр, нәниләр өчен төрле уеннар туплана. Күп кенә әти-әниләр кечкенә чакта үзләре ишетеп үскән бишек җырлары, такмак һәм уеннарны балаларына да җиткерергә тели, тик камил хәтерләп бетерми. Сайт әти-әниләргә ярдәмлек буларак эшләнгән иде”, – диде Динара Зиннәтова.

Әйтергә кирәк, сайт һәм паблик бер-берсенә бәйле түгел.

“ВКонтакте челтәрендәге паблик шушы сайтны популярлаштыру өчен ясалган иде. Сайттагы күп кенә мәгълүматны төркемдә кабатлагач, паблик аерым рәвештә үз вазифасын башкара башлады, чөнки кемгәдер сайтка керү, ә кемдер пабликка кереп карау уңайлырак”, – ди пабликның һәм сайтның администраторы.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10