ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды
Васил Шәйхразиев татарча сөйләшүче балаларны милләтнең иң зур горурлыгы дип саный
Мәскәү Сабан туен оештыруда Яр Чаллы шәһәре ярдәм итә

Җәмгыять

Актаныш районында инвалидлар декадасы тәмамланды

11 декабрь 2017, 22:00 , Фото: aktanysh-rt.ru

Актаныш районында инвалидлар декадасы тәмамланды "Игелек марафоны" быел 1 749 609 сум 12 тиен сум акча җыелган.

(Актаныш, 11 декабрь, "Татар-информ", "Актаныш таңнары"). Бүген Актаныш районында инвалидлар декадасы тәмамланды. Районда инде унсигез ел үткәрелеп килүче "Игелек марафоны" быел да мөмкинлекләре чикләнгән райондашларыбызның хыял - өметләрен чынга ашырды, аларга яшәү дәрте бүләк итте, дип яза район газетасы.

Ххуҗалык, оешма җитәкчеләре, җирлек башлыклары, төзүчеләр, банкирлар, сәүдәгәрләр, хокук саклау органнары, гаилә фермалары, мәгариф, медицина, мәдәният, спорт, социаль яклау бүлеге хезмәткәрләре физик мөмкинлекләре чикле райондашларыбызга ярдәм күрсәтте.

1 749 609 сум 12 тиен! ! Быел 18 нче тапкыр үткәрелүче марафонда игелекле райондашларыбызның, чарада катнашкан кунакларыбызның бергәләп әйткән сүзе бу! Районыбызда яшәүче – язмышлары һәр көнне яшәү өчен көрәш белән бәйле көчле ихтыярлы, олы йөрәкле 2 564 кешегә ел дәвамында ярдәм итү өчен бердәм булдырылган ярдәм.

Узган ел Игелек марафонында 1 880 423 сум ярдәм акчасы җыйналып, 235 мең 420 сумлык әйбер җыелган иде. Әлеге игелекле гамәлгә районның 87 оешма-предприятиесе, 26 авыл җирлеге, 78 шәхси эшмәкәр, 17 аерым граңдан үз өлешен керткән.

Ел дәвамында инвалидларга социаль ярдәм күрсәтү фондының 7 утырышы үткәрелеп, 118 гариза каралган. 114 инвалидка катлаулы операция ясату, дарулар алу өчен 1 478 000 сум акча бирелгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10