ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Польшадагы татар авылындагы Сабан туена бөтен дөнья татарларын җыялар
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак

Җәмгыять

Татарстанда бронхиаль астма диагнозы белән исәптә 40 меңләп кеше тора

11 декабрь 2017, 13:54 , Фото: Султан Исхаков

Татарстанда бронхиаль астма диагнозы белән исәптә 40 меңләп кеше тора Рөстәм Фәссахов бу чир белән авыручылар саны артуын билгеләп узды.

(Казан, 11 декабрь, “Татар-информ”, Гөлнар Гарифуллина). Татарстанда бүгенге көндә бронхиаль астма диагнозы белән диспансер исәбендә 20 меңнән артык олы кеше һәм 20 мең бала тора. Бу хакта бүген “Татар-информ” мәгълүмат агентлыгында бронхиаль астмага каршы көрәш көненә багышланган матбугат конференциясендә Татарстан Сәламәтлек саклау министрлыгының баш аллерголог-иммунологы Рөстәм Фәссахов белдерде.

Аның әйтүенчә, Бөтендөнья сәламәтлек саклау оешмасы мәгълүматларына караганда, бүген дөньяда 225 млн нан артык кеше бронхиаль астмадан интегә. Россиядә бу чир белән авыручылар 5 млн нан артык кеше тәшкил итә.

“Сер түгел, бронихиаль астма дип һәрвакыт төгәл диагноз куеп булмый. Шушы чиргә охшаш башка диагнозлар күп. Кайвакыт шул башка диагнозлар артында нәкъ менә бронхиаль астма тора”, - ди Рөстәм Фәссахов. Ул бронхиаль астма белән авыртучылар саны артуы күзәтелүен белдерде. “Бу диагноз дөрес куелу белән бәйле. Бу хәерлегә, чөнки бронхит булганда, антибиотик билгелиләр, ә бронхиаль астма булганда, бөтенләй башкача дәвалау кирәк”, - ди белгеч.

Рөстәм Фәссахов бронхиаль астма белән авыручыларның дәүләт хисабына дәвалануын белдерде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10