ҺАВА ТОРЫШЫ +30 oC

Яңалыклар

барлык хәбәрләр Татарстан Россия
МӨҺим
“Татар-информ”да VI мөселман яшьләре форумы турында сөйләшәчәкләр
Чираттагы әдәби марафон проекты башланып китте
Казанда «Зөләйха күзләрен ача» романы буенча фильмны көзен төшерә башлыйлар
Россиядә ярты айда илле мең чамасы электрон ветеринария сертификаты тутырылган
Синоптиклар Татарстанда яшенле яңгыр турында кисәтә

Мәдәният

Актаныш районы Киров авылы халык театры автобус белән бүләкләнә

11 декабрь 2017, 07:21

Актаныш районы Киров авылы халык театры автобус белән бүләкләнә Казанда “Идел-йорт” халык театрлары фестиваленә йомгак ясала.

(Казан, 11 декабрь, «Татар-информ», Рузилә Мөхәммәтова). Иртәгә, 12 ноябрьдә, «Идел-йорт» төбәкара театр фестиваль-конкурсының җиңүчеләре билгеле булачак. Йомгаклау тантанасы Камал театры сәхнәсендә үтә. Бу хакта Республика традицион мәдәниятне үстерү үзәгенең матбугат хезмәте хәбәр итә.

Бүләкләү тантанасыннан соң Гран-прига ия булган коллективның спектакле күрсәтелә. Быел дәрәҗәле исемгә Актаныш районының Киров авылы мәдәният йортында эшләп килүче халык театры коллективы лаек булды. Алар фестивальгә Мирхәйдәр Фәйзинең “Ак калфак” драмасын әзерләгәннәр. Үзешчән коллективның режиссеры – Ләйсән Шәрәфетдинова.

Шунысы игътибарга лаек: җиңүче коллективка традицион приз - автобус вәгъдә ителгән. Оештыручылар хәбәр итүенчә, ул да иртәгә тапшырыла. Башка лауреатларның исемлеге турында мәгълүмат юк, оештыручылар анысын сер итеп саклый.

Мәгълүмат өчен. «Идел-йорт» төбәкара театр фестиваль-конкурсының йомгаклау туры Казанда 8 – 21 ноябрь көннәрендә үтә. Быел фестивальдә республиканың 19 районыннан 21 театр коллективы һәм кунак буларак Удмурт Республикасы һәм Ульяновск шәһәреннән коллективлар катнашты.

Искәртеп үтәбез, «Идел-йорт» төбәкара театр фестиваль-конкурсының йомгаклау турына узган спектакльләр 8 – 14 ноябрьдә «Жилплощадка» микрорайонындагы «Юность» мәдәният сараенда, ә 15 -21 ноябрь көннәрендә Дәрвишләр бистәсендәге Сәетгалиев исемендәге мәдәният сараенда күрсәтелде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10