ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды
Васил Шәйхразиев татарча сөйләшүче балаларны милләтнең иң зур горурлыгы дип саный
Мәскәү Сабан туен оештыруда Яр Чаллы шәһәре ярдәм итә

Фән һәм мәгариф

Рус теле буенча сынау әңгәмәсе апрельдә узачак

9 декабрь 2017, 17:48 , Фото: архив/Ильнар Тухбатов

Рус теле буенча сынау әңгәмәсе апрельдә узачак 9 сыйныф укучылары өчен йомгаклау әңгәмәсе барлык мәктәпләрдә узачак.

(Казан, 9 декабрь, «Татар-информ»). 9 сыйныф укучлары өчен рус теле буенча йомгаклау әңгәмәсе Россиянең барлык субъектларында 2018 елның апрелендә узачак. Әңгәмә ике көн – 13 һәм 16 апрельдә үткәрелә, дип хәбәр итә Россия Мәгариф өлкәсендә күзәтчелек хезмәте.

Йомгаклау әңгәмәсе 9 сыйныф укучыларының үз мәктәпләрендә узачак. Ул “зачет” дип бәяләнәчәк. Укучыга әзерлек өчен бер минут чамасы вакыт бирелә, әңгәмә вакыты 15 минут тәшкил итәчәк.

Әңгәмә биреме текстны сәнгатьле итеп уку, текстны өстәмә мәгълүмат белән уку, сайланган тема буенча монолог сөйләү, имтихан алучы белән диалог оештырудан торачак.
Биремнәр үтәлешенә экспертлар бәя бирәчәк.

“Йомгаклау әңгәмәсе 9 сыйныф укучылары өчен дәүләт йомгаклау аттестациясенә эләгү мөмкинлеге булачак. Апрель сынавы 2018 елгы Дәүләт йомгаклау аттестациясенә йогынты ясамаячак”, - диелгән Россия Мәгариф өлкәсендә күзәтчелек хезмәте хәбәрендә.

Рус теленнән Дәүләт йомгаклау аттестациясенең телдән бирелә торган өлешен сынау узган елның октябрендә Россиянең өч төбәгендә узды. Агымдагы елның көзендә әңгәмә буенча сынауда Россиянең 61 субъекты катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10