ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Икътисад

Рөстәм Миңнеханов немец икътисад цифровизациясе тәҗрибәсен үзләштерүне йөкләде

7 декабрь 2017, 19:10 , Фото: Михаил Захаров

Рөстәм Миңнеханов немец икътисад цифровизациясе тәҗрибәсен үзләштерүне йөкләде Бу - модага иярү түгел, ә тормыш таләбе,- дип билгеләп үтте Татарстан Президенты.

(Казан, 7 декабрь, "Татар-информ", Рөстәм Килсинбаев). Татарстан Президенты Рөстәм Миңнеханов Татарстан Сәнәгать һәм сәүдә министрлыгына немец икътисад цифровизациясе тәҗрибәсен үзләштерүне йөкләде. Бу хакта республика башлыгы Татарстан машина төзүчеләре предприятиеләре координацион советының җиденче утырышында җиткерде.

Открытие выставки «Машиностроение. Металлообработка. Казань»

Бүген Тюрингия (Германия) җирендә икътисадны цифрлаштыруда предприятие җитәкчеләренә консультацияләр бирү бара, дип хәбәр итте Тюрингия икътисади үсеш агентлыгы җитәкчесе Андреас Край.

Открытие выставки «Машиностроение. Металлообработка. Казань»

Германия төбәгендә урта эшмәкәрлек өчен компетенцияләр үзәге төзелгән. Аның базасында биш модель фабрикасы эшли. Анда цифрлаштыру проблемаларының төрле карарлары эшләнә.

Открытие выставки «Машиностроение. Металлообработка. Казань»

“Әлеге эшне даими алып барырга кирәк. Бу - модага иярү түгел, ә тормыш таләбе. Йә без базарда көндәшләр, йә артта калабыз”, - дип белдерде Рөстәм Миңнеханов, Германия коллегалары чыгышларына басым ясап.

Республикада инде икътисад цифровизациясе мәсьәләләре буенча билгеле бер компетенцияләр тупланган. Төп бурыч бүген – тупланган тәҗрибәне структуралаштыру һәм сәнәгатьне актуаль мәсьәләләрне чишүгә юнәлдерү, диде Рөстәм Миңнеханов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10