ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Россия компанияләре белән Төркиянең текстиль фабрикалары килешүләр имзалады

6 декабрь 2017, 19:19 , Фото: http://aa.com.tr

Россия компанияләре белән Төркиянең текстиль фабрикалары  килешүләр имзалады Россиядә Төркия тукымасына өстенлек бирәләр, чөнки ул югары сыйфатлы, бәяләре дә чагыштырмача кыйммәт түгел, ди Россия компаниясе вәкилләре.

(Казан, 6 декабрь, «Татар-информ»). Россиянең 45 компаниясе вәкилләре Төркиянең Бурса провинциясендә текстиль фабрикаларында булды һәм яңа килешүләр имзалады.

Россиядә Төркия тукымасына өстенлек бирәләр, чөнки ул югары сыйфатлы, бәяләре дә чагыштырмача арзанрак, дип билгеләп үтте Россия компаниясе вәкилләре.

“Без ай саен Төркия җитештерүчеләреннән 10 мең метр тукыма алабыз. Кытайдан да сатып алабыз, әмма Төркиянеке сыйфатлырак”, - диде «Анадолу» агентлыгына Россия текстиль компанияләренең бер вәкиле Вероника Фарапонова.

Аның сүзләренчә, бүген россиялеләр Төркиядә җитештерелгән тукымадан тегелгән киемнәргә өстенлек бирәләр.

Төркиянең бер текстиль фабрикасы директоры Али Ондер Бейтекин, нигездә, продукцияне Европа илләренә җибәрәбез, соңгы ике елда Россияне дә тукыма белән тәэмин итә башладык, диде.

“Россиялеләр безнең продукциянең сыйфатлы булуына ышана. Бу ышанычны акларга кирәк. Заказлар күләмен арттырырга планлаштырабыз”, - диде Бейтекин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10