ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Дин

Сүриянең дин эшләре буенча министры: Без татарларны яратабыз

5 декабрь 2017, 15:14 , Фото: dumrt.ru

Сүриянең дин эшләре буенча министры: Без татарларны яратабыз Министр Татарстан, Чечня, Дагыстаннан булган Россия мөселман галимнәре белән шәхсән таныш булуы турында белдерде.

(Казан, 5 декабрь, «Татар-информ»). Мәскәүнең Көнчыгыш илләре институтында Сүриянең дин эшләре буенча министры Мөхәммәд Габделсаттар әл-Сәиди катнашында утырыш төгәлләнде. Россия Фәннәр академиясе Көнчыгышны өйрәнү институты фәнни җитәкчесе Виталий Наумкин рәислегендәге утырышта Татарстан мөфтие Камил хәзрәт Сәмигуллин да катнашты, дип хәбәр итә нәзарәтнең матбугат хезмәте.

Көн тәртибендә төп мәсьәлә булып Сүриядә баручы вакыйгалар буенча бердәм конференция оештыру мәсьәләсе торды, Россия ягы “чечен кампанияләре” мисалындагы конфликтлы ситуацияләрне хәл итү буенча үз тәҗрибәсе белән уртаклаша алачак.

Катнашучыларны сәламләп, министр, шәйх буларак, Татарстан, Чечня, Дагыстаннан булган Россия мөселман галимнәре белән шәхсән таныш булуы турында белдерде.

“Мин мөфти Камил хәзрәт Сәмигуллинга һәм Чечня мөфтие Сәлах Межиевка тирән ихтирамымны белдерәм”, – диде ул. Шәйх шулай ук Сүрия территориясендә террорчылыкка каршы сугышта ярдәм өчен Россиягә рәхмәтен җиткерде: “Әгәр Россиянең кораллы көчләре булмаса, безнең ил дөньяның сәяси картасында калмаган булыр иде”. Әмма әл-Сәид ассызыклаганча, мәгълүмати идеологик көрәш хәрбигә караганда күпкә катлаулырак.

Министр әйткәнчә, билгеләнгән проблемалар буенча тәртип кертүдә Сүрия ягы өчен Россия тәҗрибәсе кыйммәтле, шул сәбәптән ул татар-мөселманнарның традицион ислам кыйммәтләре яңарышындагы ролен: “Без Сүриядә татарларны бик яратабыз”, – дип ассызыклады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10