ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Фән һәм мәгариф

Рафис Борһановның төп йортында яшәүче киленнәре аның турында фикерләрен әйтте

4 декабрь 2017, 23:23

Киленнәре Рамилә фикеренчә, Рафис Борһанов - эшен җиренә җиткереп эшләүче, тырыш кеше.

(Казан, 4 декабрь, “Татар-информ”, Алмаз Шиһабетдинов). Татарстан Республикасының мәгариф һәм фән министры Рафис Борһановның төп йортында – Мөслим районы Вәрәшбаш яшәүче киленнәре Рамилә ханым “Татар-информ” хәбәрчесенә Рафис Борһановның авылга мөнәсәбәте, яшь чагы, сыйфатлары һәм яңа вазифасы турында фикерләре белән уртаклашты.

“Рафис төп йортына сирәк кайта. Ул ике елга бер генә кайтырга мөмкин. Кызганыч, атна саен кайтып йөри алмый, чөнки эше күп. Әнисе Асия апаны ел саен, машина биреп, авылга кайтарта. Рафис авылын ярата, кайткач, беренче чиратта, зиратка бара, чишмәләрне карый. Чынлыкта аннан ярдәм сораганыбыз юк, әмма ул каршы килмәс кебек. Туганнарын бик ярата, хөрмәт итә. Авылдашлар да Рафис турында яхшы фикердә. Олырак кешеләр әтисе Тимерхан абыйны хөрмәт итә иде, яшьрәкләр аны депутат буларак белә”, - диде ул.

Рамилә ханым яңа мәгариф һәм фән министрының сыйфатлары турында: “Эшкә җаваплы, төпле фикерле кеше. Күп, артык сүз сөйләшми. Яшь чагында да үзенең эшчәнлеген гади “кара” эштән башлаган. Әнисе дә “майга батып кайта торган иде”, - дип әйтә. Рафис турында начар сүз әйтеп тә булмый”, - дип сөйләде.

Рамилә ханым Рафис Борһановның яңа вазыйфасы турында да фикерләрен әйтте: “Аңа бара торган эш бу. Ул бер эштән дә качмады, монысын да әйбәт кенә алып барачак”, - диде ул.

Исегезгә төшерәбез, бүген, 4 декабрь көнне, Рафис Борһанов мәгариф һәм фән министры итеп билгеләнде. 2012 елдан Татарстанның мәгариф һәм фән министры Энгель Фәттахов иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10