ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Татар дөньясы

Омск өлкәсендә "Татар мәгарифе көннәре" үтәчәк

4 декабрь 2017, 13:38

Омск өлкәсендә Омск өлкәсе Үләнкүл авылындагы татар теле һәм әдәбияты дәресләре укытылган урта мәктәптә Татарстан укытучылары мастер-класс бирәчәк.

(Казан, 4 декабрь, "Татар-информ"). Омск өлкәсендә 8 декабрьдә Татар мәгарифе көннәре башлана. Омск өлкәсенең “Мәдәният” Татар милли-мәдәни автономиясеннән хәбәр итүләренчә, программаның төп чаралары Большеречье районы Үләнкүл авылы урта мәктәбендә көтелә.

Татарстан Мәгариф һәм фән министрлыгы тарафыннан оештырылган "Татар мәгарифе көннәре" кысаларында, Татарстан укытучылары мастер-класслар бирәчәк, Омск өлкәсе Мәгариф министрлыгы, “Мәдәният” татар оешмасы вәкилләре катнашында мәгариф мәсьәләләренә багышланган “түгәрәк өстәл”ләр үткәреләчәк. 

Үләнкүл авылы өлкәдә этномәдәни компонентлы, татар һәм әдәбиятын укытучы төп милли мәктәп булып тора. Ел саен биредә татар теленнән олимпиада оештырыла. Җиңүчеләр Татарстанда Россиякүләм олимпиадада катнаша. Шулай ук өлкәдәге тагын сигез мәктәптә татар теле факультатив дәрес буларак укытыла.  

Омск өлкәсендә “Мәдәният” Татар милли-мәдәни автономиясе 1998 елдан эшләп килә. 2018 елда аңа 20 ел тулачак. “Мәдәният” өлкәнең “Алмаз” татар иҗади халык студиясен, Большеречье, Колосовск, Омск, Муромцево, Седельниково, Тара, Тевриз, Усть-Ишим районнарындагы татар мәдәни үзәкләрен берләштерә. Бүгенге көндә Омск өлкәсендә 36 татар иҗат коллективы исәпләнә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10