ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Күлмәк салуның ние бар? - "Ватаным Татарстан" газетасы
Хәбәрсез югалган дип саналган Татарстан солдаты җәсәден Казанда җирләделәр
Болгар ислам академиясе абитуриентлар җыя
Хрущев белән Брежневка хезмәт күрсәткән шагыйрь Әхмәт Саттарны Мәскәүдә искә алдылар
Р.Миңнеханов: Нефтьчеләр ярдәме белән, Татарстан икътисады уңай үсеш темпын саклый

Спорт

Татарстан чаңгы федерациясе ярышлардан читләштерелгән чаңгычыны яклап чыкты

3 декабрь 2017, 11:46

Татарстан чаңгы федерациясе ярышлардан читләштерелгән чаңгычыны яклап чыкты Допинг аркасында Яшел Үзән спортчысы Анастасия Доценко гомерлеккә Олимпиада уеннарында катнашудан мәхрүм ителде.

(Казан, 3 декабрь, “Татар-информ”, Фәрит Салихов). Татарстаның чаңгы узышлары һәм биатлон федерациясе вакытлыча ярышлардан читләштерелгән чаңгычы, Яшел Үзән спортчысы, 31 яшьлек Анастасия Доценконы яклап чыккан. Бу хактага хәбәр федерациянең Instagram аккаунтында урнаштырылган.

“FIS (халыкара чаңгы спорты федерациясе – ТИ) шундый карар кабул иттте һәм безнең Татарстанның Яшел Үзән чаңгычысы Анастасия Доценконы вакытлыча ярышлардан читләштерде. Настя белән таныш кешеләр аның эчкерсезлеген, тәртипле, көчле һәм принципиальлеген яхшы белә. Настя, Татарстан синең белән, Халыкара Олимпия комитетыннан бернинди явызлар да сиңа булган ышанычны юкка чыгара алмас! Без синең белән!” – диелгән хәбәрдә.

Исегезгә төшерәбез, ике көн элек Халыкара Олимпия комитетының Денис Освальд җитәкләгән комиссиясе Россия чаңгычылары – Анастасия Доценко, Юлия Чекалева һәм биатлончы Ольга Зайцеваны допингка каршы кагыйдәләрне бозган өчен гомерлеккә Олимпия уеннарыннан читләштерде. Аларның 2014 елгы Сочидагы Олимпиада күрсәткечләре юкка чыгарылды. Сочида әлеге чаңгычылар медаль яуламады.

Шунысы да игътибарга лаек: 33 яшьлек Юлия Чекалева да бу сезонда Татарстан данын яклый башлаган иде.

Халыкара Олимпия комитеты карарыннан соң Халыкара чаңгы спорты федерациясе әлеге чаңгычыларны вакытлыча ярышлардан читләштерде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10