ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Авыл

4 ел эчендә Татарстанда 1167 сыер абзары ремонтланган, 92 яшелчә-бәрәңге саклагыч төзелгән

2 декабрь 2017, 13:03

4 ел эчендә Татарстанда 1167 сыер абзары ремонтланган, 92 яшелчә-бәрәңге саклагыч төзелгән 2018 елда Татарстанда авыл хуҗалыгы җитештерүе объектларын төзү һәм капиталь ремонтлау программаларын гамәлгә ашыру дәвам итәчәк.

(Казан, 2 декабрь, "Татар-информ"). 2018 елда Татарстанда авыл хуҗалыгы җитештерүе объектларын төзү һәм капиталь ремонтлау программаларын гамәлгә ашыру дәвам итәчәк. Исегезгә төшерәбез, республикада сыер абзарларын капиталь ремонтлау һәм силос-сенаж траншеяларын төзү программасы 2014 елдан бирле эшли, яшелчә-бәрәңгесаклагычларны ремонтлау һәм төзү буенча – 2015 елдан бирле. 2016 елдан машина-трактор паркларын ремонтлау программасы эшли башлады, дип хәбәр итә Татарстан Авыл хуҗалыгы министрлыгы матбугат хезмәте.

Бу программалар кысаларында барысы 4 ел эчендә 1167 сыер абзары ремонтланды, 92 – яшелчә-бәрәңгесаклагыч, 118 – машина-трактор паркы һәм 540 силос-сенаж траншеясы төзелде. Республиканың авыл хуҗалыгы предприятиеләре тарафыннан 7,9 млрд. сум акча тотылды, шуннан үз акчалары – 5,7 млрд. сум. Республика бюджетыннан ярдәм 2,2 млрд. сум тәшкил итә (башкарылган эшләр хакының 30%ка якыны).

Моннан тыш, Татарстан территориясендә эпизоотик иминлекне тәэмин итү һәм халыкка күрсәтелә торган ветеринария хезмәтләре сыйфатын яхшырту максатларында Татарстан Республикасының 43 муниципаль районында 3 ел эчендә (2014 - 2016 еллар) 126 модульле-блоклы ветеринария пункты төзелде. Бу максатлар өчен республика бюджетыннан 296,1 млн. сум акча бирелде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10