ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Дин

Мөфти “Донорлык хәрәкәтенә ярдәм өчен” медаленә ия булды

2 декабрь 2017, 11:18

Мөфти “Донорлык хәрәкәтенә ярдәм өчен” медаленә ия булды Ислам дине кан бирүне тыймый, чөнки без кемнеңдер гомерен һәм саулыгын саклап калуга үз өлешебезне кертәбез, – дип билгели Камил хәзрәт Сәмигуллин.

(Казан, 2 декабрь, "Татар-информ"). Кан һәм аның компонентларын ихтыяри бирүне (донорлык) массакүләм үстерүгә юнәлдерелгән Кан тапшыру хезмәте үсеше киң масштаблы дәүләт программасын тормышка ашыру кысаларында, кичә Татарстан мөфтие Камил хәзрәт Сәмигуллин Медицина-биология федераль агентлыгы чакыруы буенча Х юбилей Россиякүләм Кан тапшыру хезмәте форумында катнашты. Монда аны ведомствоның мактаулы бүләге – Медицина-биология федераль агентлыгының “Донорлык хәрәкәтенә булышлык өчен” медале белән бүләкләделәр.Бу хакта Татарстан мөселманнары Диния нәзарәте матбугат хезмәте хәбәр итә.

Әлеге чарада Россия Кан тапшыру хезмәте үсеше программасын әйдәп баручылар, РФ Сәламәтлек саклау министрлыгы һәм Медицина-биология федераль агентлыгы вәкилләре, Кан тапшыру учреждениесе җитәкчеләре, донорлар, иҗтимагый оешмаларда хезмәт куючылар катнашты.

Исегезгә төшерәбез, быелның 7 апрелендә Татарстан Кан тапшыру үзәгендә Татарстан мөфтие Камил хәзрәт Сәмигуллин, нәзарәт хезмәткәрләре, имамнар, мөселман уку йортлары шәкертләре һәм мөгаллимнәр Санкт-Петербург метросында булган фаҗигадә зыян күрүчеләргә һәм башка мохтаҗ кешеләргә ярдәм йөзеннән кан тапшырган иде. "Мөселманнар кан коймый!" дигән шигарь астында уздырылган әлеге донорлык акциясе мөселманнарның һәрвакыт ярдәм итәргә әзер булуын күрсәтү максаты белән оештырылды.

- Ислам дине кан бирүне тыймый, чөнки без кемнеңдер гомерен һәм саулыгын саклап калуга үз өлешебезне кертәбез, – дип билгеләде Камил хәзрәт Сәмигуллин. – Аллаһы Тәгалә Коръәндә әйтә: “...Әгәр берәү бер кешене үлемнән коткарса – бөтен кешеләрне үлемнән коткарган кебек булыр” (“Маидә” сүрәсе, 32 нче аять). 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10