ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Татар дөньясы

Татар кызы "Мисс Азия" бәйгесендә "Мисс фотомодель" номинациясендә җиңде

1 декабрь 2017, 19:10

Татар кызы Күп тапкырлар гүзәллек бәйгеләрендә җиңгән Алинә Гәрәева Казанда фотомодель булып эшли.

(Казан, 1 декабрь, "Татар-информ", Лилия Гаделшина). Казан кызы Алинә Гәрәева Һиндстанда узган “Мисс Азия” гүзәллек бәйгесендә “Мисс Азия Россия” һәм “Мисс Азия фотомодель” номинациясендә җиңеп кайтты. Финалда Алинә сәхнәгә татар милли стилендә тегелгән яшел бәрхет күлмәктән чыкты.

Азия һәм Евразиядәге Һиндстан, Вьетнам, Сингапур, Малайзия, Индонезия, Кытай, Япония, Таҗикстан, Кыргызстан кебек егермеләп илдән кызлар катнашкан бәйгедә Алинә Россияне тәкъдим итте.

Әйтергә кирәк, Азия илләренең традицияләрен исәпкә алып, “Мисс Азия” бәйгесенең программасы башкалардан аерыла: биредә кызлар купальникларда чыгыш ясамыйлар. Быелгы бәйгедә беренче урынга Кытай кызы Тиан Ми лаек булды.

“Халыкара бәйгедә Россия исеменнән катнашуым белән горурланам. Зур вакыйга булып, бәйгедә катнашкан кызлар турында бөтен Һиндстан матбугатында яздылар. Бәйгедән яхшы тәэсирләр калды, уңай тәҗрибә тупладым, яңа дуслар таптым”, - дип сөйләде Алинә.

Моңа кадәр “Краса Казани-2014” бәйгесендә җиңгән, “Красавица России-2015” бәйгесендә дүртенче урынны алган 21 яшьлек Алинә Гәрәева Татарстанда “Персона” модель агентлыгында эшли. Аның фотосурәтләрен еш кына реклама басмаларында күрергә була. Һиндстанда да аңа фотомодель буларак югары бәя бирделәр.

“Фотомодель булу кызыклы һөнәр. Мәсәлән, реклама өлкәсендә эшләгәндә төрле киңкырлы шәхесләр белән танышырга, аралашырга мөмкинлек бар. Күптән түгел, зәркән эшләнмәләр белән сәүдә итүче компания җитәкчелеге белән аралашырга туры килде. Җитәкче ханым үзе шундый оста хуҗабикә, күп балалы әни, шул ук вакытта эшмәкәр дә. Өлгер ханым! Аңардан күп нәрсәгә өйрәнергә була”, – ди Алинә. Фотомодель эшенең, чибәрлекнең кыенлыгы да юк түгел. “Бигрәк тә төрле бәйгеләрдә булгач, көнчелек, гаделсезлек белән очрашырга туры килә”, - дип искәртә фотомодель.

Алинә В.Тимирясов исемендәге Казан инновацион университетында белем ала. Якын вакытта гына бүтән бәйгеләрдә катнашырга әлегә планнар кормый. Бераз ял итәргә телим, Яңа елны көтәм, ди.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10