ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Земфира Казанда Җанатарлар фестивалендә хедлайнер була
Чаллыда янган машина йөртүчесе һәм пассажиры пешкән
Испания футболчысы Жерар Пике Казанда төшкән видео дөнья буйлап таралды
Р.Миңнеханов: Татарстанны PAX Technology Limited белән хезмәттәшлек кызыксындыра
Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Җәмгыять

Татарстан мөфтиенә һәм митрополитына “Донорлык хәрәкәтенә ярдәм өчен” медале бирелде

1 декабрь 2017, 15:52 , Фото: Александр Эшкинин

Татарстан мөфтиенә һәм митрополитына “Донорлык хәрәкәтенә ярдәм өчен” медале бирелде Камил хәзрәт белән Феофанны Кан хезмәтенең Бөтенроссия форумында бүләкләделәр.

(Казан, 1 декабрь, «Татар-информ»). Татарстан мөфтие Камил хәзрәт Сәмигуллин белән Казан һәм Татарстан митрополиты Феофанга Россия медик-биология федераль агентлыгының "Донорлык хәрәкәтенә ярдәм өчен” медале тапшырылды. Бүләкләү тантанасы бүген Кан бирү хезмәтенең Бөтенроссия форумында узды.

Татарстан дини конфессияләр җитәкчеләренә медальләрне Россия медик-биология федераль агентлыгы җитәкчесе урынбасары Максим Забелин тапшырды. 

“Исламда кан доноры булу тыелмый, чөнки без кеше гомерен һәм сәламәтлеген саклауга өлеш кертәбез. Аллаһ Тәгалә Коръәндә “Кемнедер үлемнән коткарган кеше бөтен кешене үлемнән коткаруга тиң диелгән”, - дип билгеләп үтте Камил хәзрәт Сәмигуллин.

Форумда кунаклар һәм катнашучылар Кан хезмәте федераль программасы эше һәм донорлык җәмгыяте белән элемтә перспективалары буенча фикер алыштылар, шулай ук Россия Федерациясендә кан донорлыгы үстерү динамикасы мәсьәләсе каралды.

Форум службы крови


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10