ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Мәдәният

Нәкыя Гыйләҗева: Аяз кара плащтан төшемә керде – тел бетерелүгә борчылып ята

1 декабрь 2017, 09:12

Камал театры Аяз Гыйләҗев әсәре буенча спектакль чыгарды.

(Казан, 1 декабрь, "Татар-информ", Рузилә Мөхәммәтова). Күренекле язучы Аяз Гыйләҗев Камал театрында үз повесте буенча куелган спектакль чыгар алдыннан хатыны Нәкыя Гыйләҗеваның төшенә карадан киенеп кергән.

"Бүген Аязымны төштә күрдем. Кап-карадан киенгән. Кара плащтан бүлмәдән килеп чыкты. Мине дә ачуланмый, сөйләштеме ул минем белән – белмим, белмим”, - дип Аяз Гыйләҗевнең хатыны Нәкыя Гыйләҗева "Татар-информ" хәбәрчесенә төшен сөйләде.  

“Уяндым да, бүгенге спектакль барып чыкмаган алайса”, - дип уйлаган идем. Миләүшә Хабетдиновага шалтыраттым. Ул: “Телнең бетерелүенә борчыла Аяз абый”, - ди. "Дөрестән дә шулай, шуңа борчылып ята бугай", - диде ул елый-елый.

Мәгълүмат өчен. Камал театрында бүген “Әтәч менгән читәнгә” спектакльнең беренче премьера көне. Ул тагын 2, 3 һәм 27 декабрьдә күрсәтеләчәк. Кичә кич белән Камал театры спектакльне журналистларга, театр белгечләренә һәм театрның дусларына күрсәтте.

Спектакльнең режиссеры - Фәрит Бикчәнтәев, инсценировка авторлары – Фәрит Бикәнтәев һәм Илтөзәр Мөхәммәтгалиев, рәссам – Сергей Скоморохов, композитор – Эльмир Низамов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10