ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Җәмгыять

Иртәгә Казанда X Бөтенроссия Кан хезмәте форумы ачыла

30 ноябрь 2017, 16:41

Чарада Россиядә кан һәм аның компонентлары донорлыгы үсеше мәсьәләләре күтәреләчәк.

(Казан, 30 ноябрь, “Татар-информ”, Гөлнар Гарифуллина). Татарстан Республикасы кан хезмәтенең 85 еллыгы кысаларында, иртәгә 1 нче декабрь көнне Казанда X Бөтенроссия Кан хезмәте форумы узачак. Анда хезмәтне үстерү буенча гамәлгә ашырылган чараларга йомгак ясалачак. Бу хакта Татарстанның Сәламәтлек саклау министрлыгының матбугат хезмәте хәбәр итә.

Форумда катнашучылар кан хезмәтенең федераль программасы нәтиҗәләре һәм донорлар контингенты белән хезмәттәшлек перспективалары турында сөйләшәчәк. Шулай ук Россиядә кан һәм аның компонентлары донорлыгы үсеше мәсьәләләре күтәреләчәк.

Пленар утырышта Россия Федераль медицина-биология агентлыгы җитәкчесе Владимир Уйба, шушы агентлыкның кан үзәгенең баш табибы София Голосова һәм башкалар катнашачак. Татарстан вәкилләре бездә кан хезмәте эше ничек оештырылуы турында сөйләячәк.

Пленар утырыш барышында донорлык хәрәкәте үсешенә теләктәшлек итүче оешма һәм компанияләр бүләкләнер дип көтелә. Чара “Корстон” комплексында узачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10