ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Рәсми Татарстан

Рөстәм Миңнеханов GlaxoSmithKline компаниясе җитәкчелеге белән очрашты

30 ноябрь 2017, 07:43

GlaxoSmithKline - Россия фармацевтика базарында сатулар күләме буенча, дөньяның дару препаратлары җитештерә торган 20 эре компаниясе исемлегендә.

(Казан, 30 ноябрь, "Татар-информ"). Рөстәм Миңнеханов 28-29 ноябрьдә Бөекбританиягә ике көнлек эш сәфәре кылды, дип хәбәр итә Татарстан Республикасы Президенты матбугат хезмәте. Сәфәр барышында Президент кичә, 29 ноябрьдә, GlaxoSmithKline (GSK) компаниясе җитәкчелеге белән очрашты.

GSK компаниясе – астманы дәвалау өчен дарулар, антибактериаль һәм вируска каршы препаратлар, ВИЧ-инфекциягә каршы препаратлар, вакциналар, рецептурасыз препаратлар җитештерү буенча бөтендөнья лидерларының берсе.

GSK компаниясе Россия фармацевтика базарында сатулар күләме буенча, дөньяда дару препаратлары җитештерү  юнәлешендәге 20 эре компания исемлегенә керә.

Рөстәм Миңнеханов сөйләшүләр барышында Татарстан Республикасының компания белән уртак тикшеренүләр уздыру һәм медицина кадрлары әзерләү буенча хезмәттәшлек итәргә теләвен белдерде.

Сөйләшүләрдә билгеләп үтелгәнчә, компания Татарстанга Россия Федерациясе Сәламәтлек саклау министрлыгы линиясе буенча препаратлар китереп тора. Моннан тыш, республиканың медицина учреждениеләрендә тикшеренүләр уздырыла, Казанда СПИД үзәге белән актив эш алып барыла.

GSK компаниясе вәкилләре билгеләп үткәнчә, компания Россиянең башка төбәкләре белән фәнни тикшеренүләр өлкәсендә партнерлыкны көчәйтергә тели. БМО линиясе буенча ( UNAIDS - ЮНЭЙДС программасы) СПИДка каршы көрәш өлкәсендә профилактик чаралар өлешендә Татарстан белән хезмәттәшлек тәкъдим ителде.

Рөстәм Миңнеханов билгеләп үткәнчә, СПИДка каршы көрәш темасы бүген бөтен дөньяда аеруча актуаль. Бу проблема турында сөйләргә, белгечләр укытып чыгарырга, профилактик чаралар уздырырга кирәк, диде ул.

Рөстәм Миңнеханов БМО инициативасына кушылу тәкъдимен хуплады. Ул әлеге инициативаны өйрәнү өчен эш төркеме төзергә, гамәлләрне җайга салырга, бу эшкә Татарстан Республикасы Сәламәтлек саклау министрлыгын җәлеп итәргә кушты.

Моннан тыш, кичә очрашу барышында респиратор авыруларны дәвалау буенча клиник тикшеренүләр өлешендә күзалланган хезмәттәшлек мәсьәләләре буенча фикер алыштылар.

Безнең интеграция тирән булырга тиеш, диде Рөстәм Миңнеханов очрашу азагында. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10