ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Спорт

Көрәш буенча Татарстан чемпионатында кубокны Әлмәт командасы яулады

25 ноябрь 2017, 15:47

Узган елгы уңышын кабатларга Яңа Савин районы көрәшчеләренә диварлар булышмады.

(Казан, 25 ноябрь, “Татар-информ”, Фәрит Салихов). Көрәш буенча ир-егетләр арасында Татарстан Республикасы чемпионатында командалар арасында җиңүчеләр игълан ителде. Көрәш нәтиҗәләре буенча Әлмәт командасына тиңнәр булмады.

Быел чемпионатта 47 командадан 381 көрәшче бил алышкан иде. Әлмәтләрдән беразга гына калышып, Зәй көрәшчеләр командасы икенче урынга күтәрелде. Өченчедә – Казанның Яңа Савин командасы.

Узган елгы уңышын кабатларга Яңа Савин районы көрәшчеләренә диварлар булышмады. Хәтерегездә булса, узган ел командалар арасында беренче өчлекне Яңа Савин, Теләче һәм Балтач көрәшчеләре бүлешкән иде.

Исегезгә төшерәбез, Казанның “Ак Барс” көрәш сараенда үткәрелгән турнирда былтыргы чемпионнарның дүртесе титулларын саклап кала алды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10