ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Фән һәм мәгариф

Азнакай укучыларында буктрейлер аша китапка мәхәббәт тәрбиялиләр

25 ноябрь 2017, 08:00

Укытучы-эксперт Гүзәл Якупова кичәгә уңай бәя бирде.

 (Азнакай, 25 ноябрь, “Татар-информ”, “Маяк”, Резеда Шәрипова). Азнакай 7 нче урта мәктәбенең 7 нче Б сыйныфы укучылары якташ язучыларыбыз иҗатына татарча буктрейлер ясап, туган телләрен һәм әдәбиятны хөрмәтләүләрен күрсәттеләр, диелә район газетасында.

Буктрейлер – ул нинди дә булса китап турында сәнгати формада сөйләүче кыска видеоролик. Балалар китапханәсендә узган әдәби-музыкаль кичәдә укучылар дүрт төркемгә бүленеп, Марсель Галиев, Илдус Гыйләҗев, Нур Әхмәдиев, Резеда Шәрипова, Галия Сәетшина, Гөлчәчәк Садретдинова, Сәрвәр Хәнипова, Розалия Әхмәтшина, Рәфис Ханнановның тормыш һәм иҗат юлына багышланган шундый эшләрен тәкъдим иттеләр.

– Әлеге проект укучыларда китапка, туган телгә, туган җиргә мәхәббәт тәрбияләүне, язучыларның иҗатын яңа формада пропагандалануны күздә тота. Безнең эшләребез бик күп һәм төрле. Аларны башка мәктәпләргә дә таратырбыз, дәрестән соң чараларда да кулланырбыз дип ышанам, – ди проект авторы, «Укытучы-мастер» гранты иясе Гөлназ Шакирова.

Укытучы-эксперт Гүзәл Якупова кичәгә уңай бәя бирде. Чарада буктрейлерга кергән авторларның катнашуы, укучыларның үзләре язган шигырьләрен укуы аның дәрәҗәсен тагын да арттырды.

Һәр төркемгә китапханә исеменнән мактау кәгазьләре тапшырылды.

– Укытучыбыз тәкъдиме белән бу проектка бик кызыксынып тотындык. Дәрестән соң видероликлар өстендә бишәр сәгать утырырга туры килсә дә, һич авырсынмадык. Аларны эшләгәндә үзебезнең як язучылары турында күп мәгълумат алдык, – ди Эльза Ишмиева.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10