ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Мәдәният

Бүген Илһам Вәлиевнең классик концертын «Татар-информ» онлайн күрсәтә

24 ноябрь 2017, 12:34

Концертны Рәшит Ваһапов исемендәге мәдәниятне үстерү фонды оештыра.

(Казан, 24 ноябрь, «Татар-информ», Рузилә Мөхәммәтова). Бүген Салих Сәйдәшев исемендәге Зур концерт залында Татарстанның һәм Башкортстанның атказанган артисты, “Алтын битлек” театр премиясе лауреаты, танылган тенор тавышлы җырчы Илһам Вәлиевның концерты була. концертны “Татар-информ” онлайн күрсәтәчәк. Башлана – 19.00.

Онлайн карау өчен сылтама - http://tatar-inform.tatar/internet-tv/135/

Концертта татар һәм башкорт операларыннан арияләр; Илһам Шакиров, Хәйдәр Бигичев, Рәшит Ваһапов кебек бөек җырчыларыбыз репертуарыннан җырлар башкарылачак. Җырчының репертуарында Эльмир Низамов кебек популяр яшь композиторлар иҗаты да бар.

Концертны Татарстан Республикасы Президенты һәм Татарстан Республикасы Мәдәният министрлыгы ярдәме белән Рәшит Ваһапов исемендәге мәдәниятне үстерү фонды оештыра.

Уфа дәүләт опера театры солисты Илһам Вәлиевнең Уфада үз концертлары булганы юк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10