ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Дин

Татарстан мөфтие Санкт-Петербургта Россия һәм Азәрбайҗан ислам бергәлеге турында сөйли

23 ноябрь 2017, 13:52

Мөфти “Россия – Азәрбайҗан: тынычлык, хезмәттәшлек мәнфәгатьләрендә конфессиләр арасында диалог һәм ислам бергәлеге” халыкара конференциядә катнаша.

Бүген Татарстан мөфтие Камил хәзрәт Сәмигуллин “Россия – Азәрбайҗан: тынычлык, иминлек, хезмәттәшлек мәнфәгатьләрендә конфессиләр арасында диалог һәм ислам бергәлеге” дип исемләнгән бердәм халыкара фәнни-дини конференциядә катнаша.

Конференция Санкт-Петербург шәһәрендә Кавказ мөселманнары Идарәсе, Дини берләшмәләр белән эшләү буенча Азәрбайҗан дәүләт комитеты, Санкт-Петербург мөселманнары Диния нәзарәте, Россиянең Төньяк-Көнбатыш регионы, Санкт-Петербург дәүләт университеты һәм Россия Фәннәр академиясенең Шәрык кулъязмаларын өйрәнү инситуты тарафыннан уздырыла.

Форумга әлеге оешмаларның җитәкчеләре, Азәрбайҗан, Россия, чит ил дәүләт һәм дини структура вәкилләре, танылган галимнәр һәм җәмәгать эшлеклеләре килде. Шул исәптән, Санкт-Петербург губернаторы - Георгий Полтавченко, Ленинград өлкәсе губернаторы Александр Дрозденко, Санкт-Петербургның Законнар чыгару җыены рәисе Вячеслав Макаров, Азәрбайҗан Республикасының Россия Федерациясендәге Гадәттән тыш һәм Тулы вәкаләтле Илчесе Полада Бүлбүл Оглы, РФ Федерация Советы рәисе урынбасары Ильяс Өммәханов, Кавказ мөселманнары Идарәсе рәисе Аллаһшөкер Пашазадә, Россиянең Төньяк-Көнбатыш регионы һәм Санкт-Петербург мөселманнары Диния нәзарәте рәисе Равил хәзрәт Панчеев һәм башкалар катнаша.

Җыелган кунаклар алдында Татарстан мөфтие Камил хәзрәт Сәмигуллин сәламләү сүзләрен җиткерәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10