ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Дин

Каюм Насыйри музеенда Галимҗан Барудины искә алалар

22 ноябрь 2017, 13:37

Музейда дин галиме турында төшерелгән фильм тәкъдим ителә.

(Казан, 22 ноябрь, “Татар-информ”, Мөршидә Кыямова). Шушы минутларда Каюм Насыйри музеенда, күренекле җәмәгать эшлеклесе, педагог Галимҗан Барудига багышланган документаль фильм күрсәтелә. Бу хакта “Татар-информ” мәгълүмат агентлыгына Татарстан Диния нәзарәтенең дәгъвәт бүлеге җитәкчесе, Апанай мәчете имам хатыйбы Нияз хәзрәт Сабиров хәбәр итә.

2017 ел Татарстан Республикасы мөселманнары Диния нәзарәте тарафыннан татар дин галиме, күренекле җәмәгать эшлеклесе, педагог Галимҗан Баруди елы итеп игълан ителгән иде. Әлеге уңайдан бүген, 22 ноябрьдә, Каюм Насыйри музеенда Галимҗан Барудига багышлап төшерелгән документаль фильм тәкъдим ителә. Дини кичәдә дин галимнәре, фәлсәфәчеләр, дин һәм җәмәгать эшлеклеләре катнаша.

Музейда Диния нәзарәтенең “Хозур” нәшрият йортында нәшер иткән Галимҗан Баруди хезмәтләре күргәзмәсе дә эшли. Биредә галимнең 22 хезмәте, шулар арасында “Мәдхәл-гарәбия” гарәп теле дәреслеге, дин нигезләре һәм әдәп буенча “Сәвадхан” дәреслеге, намаз буенча әсбап “Әзкяр әс-салават”, пәйгамбәрләр буенча “Тарихе әнбия” трактаты урын алган.

Дини кичә программасында традицион рухи җырларны башкаручы Динар Шәймәрданов мөнәҗәтләрен дә ишетергә мөмкин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10