ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Татарстанда халыкның 41,3 процентына гриппка каршы прививка ясалган

22 ноябрь 2017, 14:10

ОРВИ һәм грипп белән чирләмәс өчен профилактика чаралары даими күрелергә тиеш.

(Казан, 22 ноябрь, "Татар-информ"). Татарстанда 1 млн 591 мең 315 кешегә, ягъни республика халкының 41,3 процентына гриппка каршы прививка ясалган. Шул исәптән 32 мең 115 кеше өстәмә финанслау чыганаклары хисабыннан (предприятие һәм оешмалар исәбеннән) вакцинация үткән.

Республикада тын юлларының кискен вируслы инфекцияләре белән чирләү дәрәҗәсе эпидемия бусагасыннан 13 процентка, Казан буенча 28,7 процентка түбән.

Мониторинг мәгълүматлары буенча, халык арасында йөргән вируслар грипп этиологиясеннән түгел.

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе ОРВИ һәм грипп белән чирләмәс өчен кисәтү чараларын күрергә кирәклеген искәртә: даими рәвештә (20 секунд дәвамында) кулларны сабын белән әйбәтләп юарга, бигрәк тә урамда һәм җәмәгать транспортында булганнан соң; ютәлләгәндә авызны һәм борынны кулъяулык белән капларга; С витамины булган продуктлар ашарга (мүк җиләге, нарат җиләге, лимон); борынны диңгез тозы белән чайкатырга; бинада дымлы җыештыру уздырырга һәм җилләтергә кирәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10