ҺАВА ТОРЫШЫ +28 oC

Яңалыклар

барлык хәбәрләр Татарстан Россия
МӨҺим
Балтач районында өч авыл халкы утсыз калган
Казанда Н.Назарбаев урамындагы юл транспорт хәрәкәте өчен ябык
Татарстанда ике җиңел машина бәрелешеп, бер егетнең башы имгәнгән
“Ак калфак” оешмасы Арчадан чыккан язучылар сурәтләгән йолалар турында фикер алышачак
Татарстанда "Шәле-Баулы" автомагистрале төзелеше бара

Җәмгыять

Республикакүләм бәйгедә тукайлы җиңү яулады

22 ноябрь 2017, 04:00

Бәйгедә катнашучыларның барысына да катнашу сертификатлары, ә җиңүчеләргә дипломнар тапшырылды.

(Тукай районы, 22 ноябрь, "Татар-информ", "Якты юл"). Яр Чаллы шәһәренең балалар иҗат үзәгендә «ТРның балигъ булмаганнар арасында иң яхшы иҗтимагый тәрбиячесе» дип исемләнгән II республикакүләм бәйгесенең карап алу этабы үтте. Конкурста Яр Чаллы шәһәренең Автозавод, Үзәк, Комсомол районнарыннан, шулай ук Әгерҗе, Актаныш, Зәй, Түбән Кама, Алабуга, Менделеевск, Минзәлә, Мамадыш һәм Тукай районнарыннан балигъ булмаганнар арасында эшләүче иҗтимагый тәрбиячеләр катнашты, дип яза җирле басма.

Тукай районы данын Круглое Поле поселогының урта мәктәбе физика укытучысы Светлана Рогова яклады һәм нәтиҗәдә III урынга лаек дип табылды. Катнашучылар жюри әгъзаларына визит карточкасын (үз-үзең белән кыскача таныштыру) тәкъдим иттеләр һәм соңыннан алар белән балигъ булмаганнар арасында эшләүнең нечкелекләренә басым ясап, әңгәмә оештырылды. Монда мәсьәләгә карата иҗади якын килүлек, тапкырлык, үзенчәлеклек бәяләнде.

Бәйгедә катнашучыларның барысына да катнашу сертификатлары, ә җиңүчеләргә дипломнар тапшырылды.

Шуны да әйтергә кирәк: республикакүләм бәйгедә җиңү яулаганнарны 2018 елның гыйнвар аенда Казан шәһәрендә балигъ булмаганнар белән эшләү комиссиясенең оешуына 100 ел булу уңаеннан оештырылган олы чарада бүләклиячәкләр, дип хәбәр итә район балигъ булмаганнар белән эшләү комиссиясе һәм аларның хокукларын яклау бүлеге баш белгече, җаваплы сәркатип Гөлнара Хөснетдинова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10