ҺАВА ТОРЫШЫ +28 oC

Яңалыклар

барлык хәбәрләр Татарстан Россия
МӨҺим
Балтач районында өч авыл халкы утсыз калган
Казанда Н.Назарбаев урамындагы юл транспорт хәрәкәте өчен ябык
Татарстанда ике җиңел машина бәрелешеп, бер егетнең башы имгәнгән
“Ак калфак” оешмасы Арчадан чыккан язучылар сурәтләгән йолалар турында фикер алышачак
Татарстанда "Шәле-Баулы" автомагистрале төзелеше бара

Җәмгыять

Азнакай районында янгын күзәтчелеге профилактик эшләр алып бара

22 ноябрь 2017, 06:00

Янгыннарның күпчелеге мичләрне артык кыздыру сәбәпле чыга.

(Азнакай, 21 ноябрь, "Татар-информ", “Маяк”, Энҗе Галәветдинова). 2017 ел эшчәнлеге буенча, 22 ноябрьгә Азнакай районы территориясендә 31 янгын чыгу очрагы теркәлгән. Бәладә 3 кеше һәлак булган, тагын 3 кеше сәламәтлегенә шактый зыян килгән, дип яза җирле басма.

Статистика белдерүенчә, көзге-кышкы чорда торак йортларда янгын чыгу куркынычы арта, чөнки бу чорда кешеләр җылыту приборларыннан ешрак файдалана башлый, мичләргә яга. Мичләрне якканда аеруча сак булырга кирәк. Ягу сезоны башланганчы аларның төзеклеген тикшерергә, ярылган урыннарны сыларга, корымнан чистартырга, төтенчыккычны акларга, көл булса, аны суытып, чистартырга кирәк. Мичләрне ягып җибәргәндә тиз кабынып китүче сыеклыклар куллану да ут чыгарырга мөмкин.

Янгыннарның күпчелеге мичләрне артык кыздыру сәбәпле чыга. Мич алдына 0,5-0,7 м. размерында металл өслек җәяргә, якында тиз янып китүчән әйберләр сакламаска, керләр киптермәскә кирәк.

Электр җиһазларыннан файдаланганда да янгын куркынычсызлыгы кагыйдәләрен катгый саклау таләп ителә. Кулдан ясалган электр плитәләре, җылыткычлар куллану катгый тыела. Электрүткәргечләр тиешенчә, яхшылап изоляцияләнгән булырга тиеш.

Янгын куркынычсызлыгы буенча профилактик эшчәнлек торак секторында да дәвам итә. “Торак-2017” кысалары астында социаль яклау бүлеге һәм янгын күзәтчелеге инспекторлары Азнакай шәһәре, Чәкән һәм Югары Стәрле авылларында социаль яктан хәвефле булган гаиләләр һәм балалар, шул исәптән физик мөмкинлекләре чикләнгән гражданнар, ялгыз яшәүче өлкәннәр яшәгән йортларда янгын куркынычсызлыгы таләпләренең үтәлеше белән таныштылар. Тикшерү нәтиҗәләре яхшы дип табылды. Кабаттан куркынычсызлык кагыйдәләре искә алынды, белешмәлекләр таратылды, диелгән район хәбәрендә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10