ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана

Җәмгыять, Мәдәният

Истанбулда Мирсәет Солтангалиев искә алыначак

22 ноябрь 2017, 08:48

Искә алу җыенында татар язучысы Ринат Мөхәммәдиевның да чыгыш ясавы көтелә.

(Истанбул, 22 ноябрь, “Татар-инофрм”, Рушания Алтай). Истанбулда 1917 елгы инкыйлабка 100 ел тулу мөнәсәбәте белән татар халкының танылган улы, сәясәт һәм дәүләт эшлеклесе Мирсәет Солтангалиевны искә алу җыены үткәреләчәк. Ул 25 ноябрь көнне төрки дөнья тикшеренүләр фондының “Туран” мәдәният үзәгендә Истанбул университетының “Фараби Авразия хезмәтләре, аларны тормышка ашыру һәм тикшеренү” үзәге катнашында оештырыла.

Җыенда Истанбул университеты галиме, доцент Ильяс Топсакал һәм татар язучысы Ринат Мөхәммәдиевның чыгыш ясавы көтелә.

Билгеле булганча, Ринат Мөхәммәдиев М.Солтангалиевның тормышы һәм эшчәнлеге белән бәйле “Сират күпере” дигән документаль роман язган иде. Ул Төркиядә Әгәй университеты галиме Мостафа Өнәр тарафыннан төрекчәгә тәрҗемә ителеп басылды һәм төрек укучылары тарафыннан зур игътибар күрде.

“Октябрь инкыйлабына – 100 ел һәм М.Солтангалиев” дип аталган әлеге чара ахырында авторның “Сират күпере” һәм “Күзачкысыз буран” китаплары төрек җәмәгатьчелегенә тәкъдим ителәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10