ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Икътисад

Башкортстанда хезмәт хакы буенча иң бай һәм иң ярлы тармаклар билгеле

21 ноябрь 2017, 21:43

Башкортстанда сентябрь аенда уртача хезмәт хакы республика буенча - 29 866,5 сум булган.

(Казан, 21 ноябрь, “Татар-информ”). Башкортстанда 2017 елның гыйнвар-сентябрь айларында төрле тармаклардагы уртача айлык хезмәт хакы мәгълүматларын җиткергәннәр. Бу хакта “Башинформ” хәбәр итә.

Статистика буенча, Башкортстанда нефть продуктларын җитештерүчеләр уртача 73 948 сум акча алган. Бу узган елның шул чоры белән чагыштырганда, 4,4 процентка ким.

Икенче урында – файдалы казылмалар табучылар: 49 627 сум. Узган елгыдан 5,8 процентка артык.

Өченче урында - финанс һәм иминият тармагы: 42 412 сум. Алдагы елдан үсеш - 6,9 процент.

40 меңнән артык алучыларга транспорт чаралары, химия тармагы, фәнни һәм техник эшчәнлек кергән.

Иң аз хезмәт хакы алучылар тире эшкәртү һәм тире эшләнмәләре тармагы - 11 192 сум; җиһаз җитештерү - 14 160 сум; урман хуҗалыгы - 16 100 сум.

Башкортстанда сентябрь аенда уртача хезмәт хакы республика буенча - 29 866,5 сум булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10