ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Мәдәният, Татар дөньясы

Төркиянең “Әгәпостасы” радиосында Татарстан белән таныштырдылар

21 ноябрь 2017, 20:40

“Айка белән мәдәнияттән – мәдәнияткә” исемле тапшыруда Татарстанны Әгәй университеты студенты Линар Хөсәенов танытты.

(Истанбул, 21 ноябрь, “Татар-информ”, Рушания Алтай). Измир губерниясендәге “Әгәпостасы” (Әгәй почтасы) радиосының “Айка белән мәдәнияттән – мәдәнияткә” исемле тапшыруында бу атнада сүз Татарстан турында барды. Бер сәгатьлек тапшыруның кунагы - Башкортстанда туып үскән татар егете Линар Хөсәенов иде.

Линар Хөсәенов Әгәй университетының халыкара мөнәсәбәтләр бүлегендә III курста укый. 21 яшь. Тумышы белән Башкортстанның Стәрлетамак районыннан.

Линар радиотыңлаучыларны Татарстан тарихы, мәдәнияте, мәгариф системасы белән таныштырды. Шулай ук сәнәгать тармаклары, икътисадый потенциалы турында сөйләде. Республиканың туризмын үстерү юнәлешендәге план-карарларын телгә китерде. Тарихи объектларны аңлатты. Тапшыруда шулай ук татар бәйрәмнәре, милли ризыклар, гореф-гадәтләр, социаль тормыш хакында да сүз барды.

Тапшыруда Линар Хөсәенов башкаруында татарча җырлар да яңгырады. Турыдан-туры барган “Айка белән мәдәнияттән – мәдәнияткә” тапшыруына килгән сорауларга җаваплар бирелде.

Тапшыруның авторы - казакъ кызы Айканың әйтүенчә, алдагы тапшыруларның берсе тагын Татарстанга багышланачак һәм башка кунаклар чакырылачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10