ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда 83 яшьлек әбине көчләгән 24 яшьлек егетне тоткарлаганнар

21 ноябрь 2017, 17:47

18 ноябрьдә бер ир-ат шәхси йортка кереп, өлкән яшьтәге хуҗабикәне кыйнаган һәм көчләгән.

(Казан, 21 ноябрь, “Татар-информ”). Татарстанда 83 яшьлек әбине көчләгән 24 яшьлек егетне тоткарлаганнар, дип хәбәр итте “Татар-информ”га хокук саклау органнарындагы шәхси чыганак.

18 ноябрьдә төш вакытында Кукмара районы полициясенә мөрәҗәгать иткән участковый Лубян авылында 83 яшьлек әбине көчләүләре турында җиткергән. Җинаять эше кузгатылган.

Ачыкланганча, 18 ноябрьдә төнлә бер ир-ат шәхси йортка кереп, өлкән яшьтәге хуҗабикәне кыйнаган һәм көчләгән.

Чыганак мәгълүматлары буенча, күрсәтелгән фотолар буенча әби үзен җәберләүчене таныган. Ул берничә тапкыр хөкем ителгән Киров өлкәсенең Усть-Люга авылының 24 яшьлек кешесе булып чыккан. Аны өендә тота алмаганнар, ул документларын алып качкан булган.

Оператив хезмәткәрләр аны кичә, 20 ноябрьдә, Кукмара районында тоткарлаган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10