ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Дин

Мансур Җәләлетдинов: Вакф әлегә рәсми рәвештә юк, федераль законда ул булырга тиеш

21 ноябрь 2017, 13:44

“Вакфларны законлаштырырга кирәк, юкса эшләве бик авыр”, - диде Татарстан мөфтие урынбасары.

(Казан, 21 ноябрь, "Татар-информ", Гөлнар Гарифуллина). Бүгенге көндә вакфларны законлаштырырга кирәк. Аларны закон кысаларына кертмичә эшләү бик авыр. Бу хакта бүген Казанда "Россиядә вакфлар: хәзерге халәте һәм перспективалар" исемле II Халыкара фәнни-гамәли конференциядә Татарстан мөфтие урынбасары, "ТР Вакфы" фонды генераль директоры Мансур хәзрәт Җәләлетдинов билгеләп узды.

“Бүген безне вакф мәсьәләсе борчый. Кызганычка каршы, вакф әлегә рәсми рәвештә юк. Федераль законда ул булырга тиеш. Бүген Дәүләт Думасында карар кабул итеп, вакфларны законлаштырырга кирәк, юкса эшләве бик авыр. 1999 елда Татарстан законына кертелгән иде, әмма ләкин бүген аны чыгардылар. Дөрес, бүген вакф фондлары бар, әмма алар закон белән сакланса, вакф системасы үсешенә гарантия булыр иде”, - дип белдерде Мансур хәзрәт журналистларга интервьюсында.

Дин белгечләре бу мәсьәлә буенча Хөкүмәткә дә, Дәүләт Думасына да мөрәҗәгать иткәннәр, әмма реакция булмаган. “Госман хәзрәт тә Дәүләт Думасына мөрәҗәгать иткән иде. Хөкүмәткә дә мөрәҗәгатьләр булгалады, реакция күренми”, - диде Мансур Җәләлетдинов. Ул шушы конференциянең Россия Хөкүмәтенең вакфка бирелә торган милек турында закон кабул итүгә этәргеч бирәчәгенә ышанычын баглады.

Вакф дигәндә, хәйрия яки дини максатлар өчен тапшырыла һәм салым түләнми торган милек күздә тотыла. Революциягә кадәр Россиядә дини оешмалар вакф хисабына яшәгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10