ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Икътисад

Россия ягулык салу станцияләрендә иҗтимагый контроль барлыкка киләчәк

21 ноябрь 2017, 11:37

Техник җайга салу һәм метрология федераль агентлыгы тиешле методик тәкъдимнәр әзерләде.

(Казан, 21 ноябрь, «Татар-информ»). Хәзер Россия ягулык салу станөияләрендә ягулыкның сыйфаты җәмәгать контролендә булачак. Техник җайга салу һәм метрология федераль агентлыгы тиешле методик тәкъдимнәр әзерләде, дип яза «Известия».

Хәзерге вакытта Россия кануннары дәүләт күзәтчелегенә тикшерүләр үткәрергә мөмкинлек бирә, тик алар өч елга бер тапкырдан да ешрак уздырылмаска тиеш. Шул ук вакытта, җәмәгать оешмалары да мониторинг үткәрү хокукына ия, әмма аларның эше еш кына тиешле нәтиҗәне бирми, дип саныйлар Техник җайга салу һәм метрология федераль агентлыгында.

Моның өчен идарә тармагында җәмәгать оешмаларының эш нәтиҗәлелеген арттырырга һәм тәртипкә салырга ярдәм итәчәк методик әсбаплар әзерләгәннәр.

«Бу – Россия базарында ягулыкның сыйфатын комплекслы контрольдә тотуның нәтиҗәлелеген күп мәртәбә арттырачак. Шулай ук җәмәгать оешмаларының намуссыз гамәлләренә көннән-көн күбрәк ризасызлык белдергән бизнесның да эшен җиңеләйтәчәк», - дип саный Техник җайга салу һәм метрология федераль агентлыгы җитәкчесе Алексей Абрамов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10