ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

Татарстан дәүләт архивы цифрлаштырылган документлар санын өч тапкырга арттырачак

20 ноябрь 2017, 17:57

Цифрлаштырылганнан соң документлар күбрәк файдаланылачак, дип җиткерә Татарстанның архив эшләре буенча дәүләт комитеты башлыгы Ирада Әюпова.

(Казан, 20 ноябрь, "Татар-информ", Анна Тарлецкая). Татарстан дәүләт архивы 2018 ел башына цифрлаштырылган документлар санын, 2016 ел белән чагыштырганда, өч тапкырга арттырырга планлаштыра. Ул вакытка документларның бер процент чамасы гына электрон төргә күчерелгән булган.

“Хәзер безнең саклауда миллионлаган документлар һәм һәр көн аларның саны арта баруын истә тотарга кирәк. Шулай итеп, цифрлаштыру тукталмый торган эш булачак”, - дип билгеләп үтте Татарстанның архив эшләре буенча дәүләт комитеты башлыгы Ирада Әюпова.

“Татарстан Архив фондында 4 млннан артык эш саклана. Татарстан дәүләт архивында шулай ук 2 млн китап һәм газета бар, алар республикада 1926 елдан басылып килгән матбугат басмалары. Аларны цифрлаштыру саклау өчен генә түгел, ә аларны куллануны җиңеләйтү өчен дә эшләнә”, - дип җиткерә Әюпова.

Киләсе елга Татарстан дәүләт архивы белгечләре Мәскәүдә “Пергаменттан цифрлаштыруга” дип аталган халыкара конференциядә катнашып, бу өлкәдәге вәзгыять турында сөйләшәчәк.

2018 елның ноябрь аенда Татарстан дәүләт архивы үзенең 100 еллыгын билгеләп үтәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10