ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Җәмгыять

Балтачлылар үзара салымның мөһимлеген аңлыйлар

20 ноябрь 2017, 04:00

Балтачта кичә референдум узды.

(Балтач, "Татар-информ", 20 ноябрь, "Хезмәт", Гөлзидә Газизуллина). Кичә Балтачта кичә референдум көне иде, дип яза җирле басма.

Иртәнге 7дән башланган референдумда район халкы зур активлык белән тавыш бирде. Һәр сайлау участогында бәйрәм рухы буларак үзешчәннәр концерты тәкъдим ителде.

Үзара салым акчасының мөһимлеге һәм алдагы еллада нәрсәләргә тотылганлыгы турында видеоролик күрсәтелде.

Балтач бистәсенең "Факел" яшүсмерләр клубында урнашкан 1092нче номерлы сайлау участогы беренчеләрдән булып килгән Рәшит Муллагалиев менә нәрсәләр ди:

– Шөкер Балтачыбызда инде ничә еллар дәвамында үзара салым акчасы максатчан файдаланылып, торотуарлар төзелә, урамнарга вак таш җәелә. Авыл, шәһәр җирлеге өчен мөһим булган мәсьәләләрне хәл итәргә мөмкинлек туган икән, моннан файдаланып калырга кирәк.

1074нче номерлы Салавыч сайлау участогында да халык бик актив булып, иртәнге сәгатьтә үк күпләп килгән, инде тугызынчы яртыда комиссия членнары кемнәр килмәгән әле дип исемлек барлый иде.

– Авыл җирлекләрендә нигездә үзара салым акчалары урамнарга, тыкрыкларга вак таш түшәүгә тотыла, безнең җирлектә дә шулай. 2018 ел тагын берничә урамга таш җәелеп, халык өчен уңайлылыклар тудырылачак. Шуңа да референдумга беренчеләрдән булып килеп тавыш бирдек һәм әлбәттә уңай тавыш, – ди Гөлсинә Гарипова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10