ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Солнечногорскида яңа мәчет ачылды
Миләүшә Айтуганова командасы төрки хатын-кызлары калейдоскобына документаль фильм әзерли
Татарстан мөфтие Феофан атакай белән дуслыгының серен әйтте
Салават Фәтхетдинов сәхнәдәш дуслары белән Филармония бакчасында хәйрия концертлары уздыра
Чемпионат матчында Япония җыелмасы Колумбия командасын җиңде

Җәмгыять

Актаныш районы башлыгы референдумда катнашу өчен ялын бүлеп кайткан

19 ноябрь 2017, 19:00

ТРда муниципаль берәмлекләрдә халык үзара салым салып җирлек проблемаларын хәл итү өчен җыйган һәр 1 сум акчага республика бюджетыннан 4 сум өстәлә.

(Актаныш, 19 ноябрь, "Татар-информ", "Актаныш таңнары"). Бүген Татарстанның 43 муниципаль берәмлегендә (852 авыл һәм 20 шәһәр җирлегендә), шул исәптән Актаныш районында да, үзарасалым җыю буенча референдумнар уза. Якшәмбе көнне район җирлекләрендәге бөтен сайлау участоклары да иртәнге сәгать җидедән үз ишекләрен ачты, дип яза җирле басма.

Мәгълүм булганча, Татарстанда муниципаль берәмлекләрдә халык үзара салым салып җирлек проблемаларын хәл итү өчен җыйган һәр 1 сум акчага республика бюджетыннан 4 сум өстәп бирелә. Шуңа күрә хәзер күп кенә муниципаль берәмлекләр бу мөмкинлектән файдаланырга тырыша.

Район башлыгы Фаил Камаев та җәмәгате Эльмира ханым белән иртәнге 9 сәгатьтә сайлау участогына килделәр.

- Мин үзем референдумда катнашу өчен ялымны бүлеп кайттым. Мин һәм минем гаиләм референдумда катнашмаса, дөрес булмас иде.

Халык социаль үзгәрешләрне күреп тора. Җирлек белән идарә итүгә халык үзенең өлеш кертуен нәкъ менә тавыш биреп күрсәтә ала.

Референдумның уңай ягы шунда: кеше үзенең мөмкинлегеннән чыгып билгеләнгән сумманы кертә икән, республика, аны кызыксындырып, шушы җирлекнең социаль мәсьәләләрен яхшырту өчен халыкның акчасын 4 мәртәбә өстәп кире кайтара.

Быел безнең район буенча 40 миллион акча үзләштерелде, шуның 20 миллионы Актанышта төзекләндерү эшләренә тотылды. Киләсе елларда да әлеге программа эшләп торса, үз җирлегебезне алга таба да төзекләндерүне дәвам итәчәкбез.

Җыелган акчалар буенча халыкта һич кенә дә шик булырга тиеш түгел. Акчалар контрольдә.

Бүгенге референдумда халык актив катнашыр, аңлап тавыш бирер, мөмкинлектән файдаланыр дип ышанам, чөнки барысы да халык өчен эшләнә!" – диде Фаил Камаев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10