ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Спорт

Әлки районында чаңгы базасы төзелде

19 ноябрь 2017, 08:00

Базарлы Матакның көнчыгыш өлешендә чаңгы базасы төзелеше тәмамланды.

(Әлки, 19 ноябрь, "Татар-информ", "Әлки хәбәрләре"). Әлки районы Базарлы Матак авылының көнчыгыш өлешендә чаңгы базасы төзелеше тәмамланды, дип яза җирле басма.

Чаңгы базасы узган елда ук төзелә башлаган иде. Трассаның буеннан-буена агачлар утыртылды, электр лампалары баганалары бастырылды. Быел төзелеш эшләре дәвам итте. Инде чаңгы базасының бинасында да төзү эшләре төгәлләнде. Бирегә су кертелгән, электр белән җылыту системасы эшләнгән. Бу бинада ирләр һәм хатын-кызлар өчен киенү-чишенү бүлмәләре, душ, прокатка чаңгы бирү урыны бар. Кар мототранспорты өчен гараж, склад та булдырылган.

Базага “Буран” кар машинасы, ботинкалары, таяклары белән 100 пар чаңгы кайткан.

Район яшьләр эшләре һәм спорт бүлеге җитәкчесе Айрат Вәлиев әйтүенчә, беренче кар ятуга чаңгы базасы эшли башлаячак. Биредә таудан да, тигезлектә дә шуарга мөмкин. Район үзәгенең янәшәсендә үк урнашкан чаңгы базасы халыкның яраткан ял урынына әверелер әле.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10