ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана

Рәсми Татарстан

Татарстан Президенты эш сәфәре белән Вьетнамга килде

18 ноябрь 2017, 16:53

“Вьетнам – Татарстан” бизнес-форумы кысаларында партнерлык мөнәсәбәтләрен үстерү мәсьәләләрен җентекләп карау планлаштырыла.

(Казан, 18 ноябрь, “Татар-информ”). Бүген Татарстан Президенты Рөстәм Миңнеханов эш сәфәре белән Вьетнам Социалистик Республикасының Хошимин шәһәренә килде. Аэропортта аны Россия Федерациясенең Хошиминдагы Генераль консулы Алексей Попов каршы алды. Бу хакта Президентның матбугат хезмәте җиткерә.

Эш сәфәре кысаларында Рөстәм Миңнеханов Хошимин Сәүдә-сәнәгать палатасы җитәкчелеге белән очраша. Татарстан белән Вьетнам эшлекле даирәләре арасында хезмәттәшлекне ныгыту мөмкинлекләре турында фикер алышачаклар.

“Вьетнам – Татарстан” бизнес-форумы кысаларында партнерлык мөнәсәбәтләрен үстерү мәсьәләләрен җентекләп карау планлаштырыла. Татарстан вәкилләре Вьетнам бизнесменнарына республиканың икътисади һәм инвестицион потенциалы турында мәгълүмат бирергә, соңрак очрашулар үткәрергә планлаштыралар.

Рөстәм Миңнеханов Хошимин шәһәре Халык комитеты рәисе Нгуен Тхань Фонг белән очрашуы планлаштырылган.


Моннан тыш, Татарстан Президенты Вьетнам фәнни-техник үзәкләре арасында лидерлык позициясен били торган Сайгон югары технологияләр паркында булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10