ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Спорт

"Ак Барс" командасы Алексей Потапов белән килешү төзеде

18 ноябрь 2017, 10:51

Һөҗүмче Казанда 97 нче сан астында чыгыш ясаячак.

(Казан, 18 ноябрь, “Татар-информ”, Фәрит Салихов). Казанның “Ак Барс” хоккей клубы 28 яшьлек һөҗүмче Алексей Потапов белән килешү төзеде. Бу хакта клубның рәсми сайты хәбәр итә.

Түбән Новгородның “Торпедо” хоккей мәктәбендә тәрбияләнгән уенчы һәм карьерасын моңа кадәр нәкъ менә үз командасында гына уздырды, команданың капитаны вазифасын да башкарды.

"Катлаулы хәл килеп туды – мин составка сирәк эләгә юашладым һәм клубтан әлеге проблеманы чишүдә булышуын сорадым. Клуб миңа каршы килмәде. Бу минем өчен яңа чакыру", – дигән хоккейчы Түбән Новгород клубы рәсми сайтына биргән әңгәмәсендә.

Алексей Потаповның Россия яшьләр җыелма командасы составында 2009 елгы дөнья чемпионатында бронза медаль яулаганы булды.

Һөҗүмче Казанда 97 нче сан астында чыгыш ясаячак.

"Потаповның командага кайчан кушылачагын әлегә әйтә алмыйм", – диде команданың баш тренеры Зиннәтулла билалетдинов кичәге матбугат конференциясендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10