ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Татар дөньясы

Җырчы Ренат Ибраһимов кыска метражлы мультфильм тәкъдим итә

18 ноябрь 2017, 13:14

Аны Youtube каналында карарга мөмкин булачак.

(Казан, 18 ноябрь, "Татар-информ", Лилия Локманова). Җырчы Ренат Ибраһимов, FILMFAY (ФИЛЬМФЭЙ) анимация студиясе белән берлектә, "Өйгә" ("Домой") дип исемләнгән кыска метражлы мультфильм төшергән. Аны киң җәмәгатьчелеккә 20 ноябрьдә – артистның юбилее көннендә тәкъдим итәчәкләр. Ул көнне җырчыга 70 яшь тулачак.

Мультфильм пластилин техникасында эшләнелгән. Ул Бөек Ватан сугышына, төгәлрәге, сугыш тәмамланып, җиңүче солдатларның өйләренә кайтуга багышлана. Мультфильм дәвамында "Победа" поезды ил буйлап бара һәм хәрбиләрне якыннары белән күрештерә.

Татар яшьләре порталы хәбәр итүенчә, 4,5 минутлык мультфильмны (ә бу 6264 кадр) 20 ноябрьдән Youtub каналында карарга мөмкин булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10