ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Икътисад, Рәсми Татарстан

Рөстәм Миңнеханов Татарстанда Haier проектларын чынга ашыруда ярдәм итәргә вәгъдә бирде

17 ноябрь 2017, 20:33

Татарстан Президенты Кытайның Шаньдун провинциясе вице-губернаторы белән очрашты.

(Казан, 17 ноябрь, «Татар-информ»). Татарстан Президенты Рөстәм Миңнеханов бүген Кытайның Шаньдун провинциясе вице-губернаторы Юй Гоан белән очрашты. Очрашу республика лидерының Кытай Халык Республикасына эшлекле сәфәре кысаларында Weichai Power заводы территориясендә узды, дип хәбәр итә ТР Президенты матбугат хезмәте.

Бүген Россия белән Кытай арасында күпьяклы стратегик партнерлык мөнәсәбәтләре урнашкан, диде Татарстан Президенты. Россия һәм Кытай җитәкчеләре үзара багланышларны, шул исәптән төбәкара дәрәҗәдә хезмәттәшлекне үстерүдә  тырыша.

Аның сүзләренчә, Татарстан Республикасы Хөкүмәте белән Шаньдун провинциясе Халык Хөкүмәте арасында 2008 елда имзаланган сәүдә-икътисади һәм фәнни-техник хезмәттәшлек турындагы килешүдә ике якның төп юнәлешләре һәм өлкәләре күрсәтелгән. Республика лидеры үрнәк итеп Шаньдунның Haier корпорациясе белән элемтәдә булуны белдерде. Аерым алганда, көнкүреш техникасы җитештерүче Кытай компаниясе Татарстан территориясендә суыткыч корпорациясе чыгару заводы ачты. Киләчәктә кер юу машиналары җитештерү буенча тагын бер линия эшләтеп җибәрү планлаштырыла.

Аның сүзләренчә, Шандуньның Weichai Power компаниясе һәм Татарстанның “КАМАЗ” заводы арасында машина төзелеше өлкәсендә дә нәтиҗәле хезмәттәшлек җайга салынган.

Weichai Power һәм "КАМАЗ” арасында партнерлык мөнәсәбәтләре алга таба да үсеш алачагына өметләнәм” , - дип билгеләп үтте Рөстәм Миңнезанов һәм Кытай компаниясе белән судно төзелеше өлкәсендә хезмәттәшлек итү мөмкинлекләрен карарга тәкъдим итте.

Очрашуда нефть эшкәртү, автомобиль төзелеше, авыл хуҗалыгы, туризм һәм гуманитар өлкәләрдә төбәкара элемтәләрне үстерү турында да фикер алыштылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10